Falam Khuapi Ah Min Aung Hlaing Ralkap Mipi Thuam Hen An I Chok
SAC Ralhrang Nih Uniform Hruk Loin Falam Khuapi Chungah An I Chawk! Chin ramkulh Falam khuapi ah Febuary (1) zanlei sml 4:00 hrawng thawkin nawlngeihnak latu SAC ralhrang nih uniform hruk loin meithal he zanlei sml 6:40 tiang motorcycle he an i chawk tiah thawng theih a si.
Palek pawl cu uniform an hruk nain ralkap pawl cu uniform an i hruk hna lo. Motorcycle pakhat cungah minung pahnih an i phorh hna i, a hnulei ah a thumi nih G 3 meithal aa bai.
Minung an tam tawnnak hmun le dawr umnak hmun deuh ah an i chawk. Vawidang ahcun zaan zongah ralkap uniform an i hruk tawn i, ralkap 10, 20 tibantukin a bubu in hriamnam tling he khuapi chungah an i chawk tawn. Crd: Zalen, the federal times
2021, April 24 thawk in Myanmar ralhrang he kahdohnak fak khun in a chuahnak Chinram, Mindat pengkulh ah cun Mindat Zatlang Ukhruainak in ngakchia 6,000 leng fimcawnnak/ ca an cawng kho, tiah theih a si. Fim cawng/ Sianginn kai mi siangngakchia an tam pah caah bawmhchanhmi phaisa tein caan karlak caah an sakmi Sianginn hmanthlak cheukhat zong hmuh khawh a si.
Mindat Zatkang uknak tang Fimcawnnak zung i rianṭuantu pakhat nih cun, “Tutan ah hin KG in Grade-4 tiang ca kan chim hna i, Chin, Myanmar, English le Mathematics (Kanan) ti in subject 4 kan chimh hna. Kan i tinhmi cu ngakchia nih fimcawnnak pehzulh in an cawn khawhnak le hngalh a herh mi an hngalh khawh nakhnga a si,” tiah a chim. Ref: The Chin Post
