Press "Enter" to skip to content

Falam Peng Nihnih Chung Kahdohnak Ah CNDF Nih Ralhrang 25 An Kahthah Hna Tiah Thawng Theih Asi

Chin ramkulh, Falam peng ah ralhrang le CNDF ralkap phu cu nizan January 17 ah kahdohnak a pehzulh in a um, tiah CNO/ CNDF nih cathanh a chuah. Falam peng, Falam le Kalay motor lampi cung ah ralhrang le CNDF karlak kahdohnak pehzulh in a um. Nizan January 17, Lati khua pawng ah ralhrang phu le CNDF kar kahdohnak a um i ralhrang 8 an thi , hliam a tuar mi an tam.

Cu pin ah January 16, Falam peng Parte khua pawng ah a ra mi ralhrang phu cu CNDF nih an kah hna i Falam khuapi chung ah a um mi ralhrang Khah-Lah-Yiah 268 nih hriamngan in voi 4 an hna. Cu kahdohnak ah cun ralhrang minung 17 an thi i aa hliam mi an tam. January 16 ni kahdohnak ah CNDF lei in pakhat hliam a tuar; a hliamhma thinphan ding a um lo. Cun January 17 kahdohnak zong ah CNDF lei in aa hliam mi an um lo, tiah CNO / CNDF nih a thanh.

THAWNPANG DANG: Myanmar le Thailand Ramri Gate He Aa Tlai Lam Check-gate Ah Ralhrang Phu Kahdoh An Tong; Thailand ram he aa tlai ding in cawhmi Tthaawe le Hteekhi( ထီးခီး) check gate cu January 16 zaan sml 10:00 hrawng ah an kah i ralhrang 1 a thi tiah khua mi hna sin in theih a si. Kahdohnak hmun cu ralhrang phu Khah-Lah-Yiah 267 Battalion hna riahbuk an khuarnak le an gate pakhat a si. Htee Khi(ထီးခီး) ramri gate a phan mi khualtlawng pakhat nih cun, “Aho an si theih lo mi hriamtlai phu pakhat nih Waa-Ttaw khua ralhrang gate cu an kah i ralhrang pakhat a thi,” tiah a chim. Cu lam cu Tthawei khuapi le Thailand ramri Htee Khi khua a peh mi chawleh chawrawlnak lam pakhat a si.

THAWNGPANG DANG: Kayah Ralzaam Hna Cu Ralhrang Phu Nih Hmunhma Dang Ah Chuahter Duh lo In An Kham Hna; Kayah ramkulh chung kahdohnak ruangah umhmun chuahtak in a zaam mi mizapi hna cu ralhrang phu nih an hmunhma chuahter sianh lo in an kham hna. Kayah ramkulh ah ralhrang le mizapi vengtu ralkap hna karlak ah january thla thawk in atu tiang kahdohnak a faak peng rih. Ralhrang phu nih hriamnam thatha le thazaang tampi hmang in an kahdoh hna nain ralhrang a thi mi le aa hliam mi an tam caah vanlawng kahnak an hman i, sualnak ngei lo mipi cu a thongthong in a himnak hmun ah an zaam.

Ralzaam hna cu an inn le an thilri hna kaltaak in an chungkhat cio sin ah i dor an duh ko nain ralhrang phu nih an kham hna caah i thial kho lo in lam tantim ah harnak an tong, tiah theih asi. Ralhrang phu nih mipi hna cu an hmunhma chung in chuahnak nawl an pe lo, ralzaam hna i dornak khua hna ah luhnak nawl an pe lo. Phaisa a ngei deuh mi hna cu phaisa an hal mi hna zong an um, tiah ralzaam hna nih an chim. Ralzaam pakhat nih cun, “Khawika in nan rat? tiah an kan hal. Rammi sinak card an check, Kayah ramkulh in, kan ti ahcun an kan hro phaisa an kan hal. Cheukhat cu luhter hrimhrim an kan duh lo. A lut kho mi cheukhat cu inn hlan man tamtuk an hal hna. Cu leng ah ralhrang phu nih ralzaam nan luhter hna lai lo, tiah thawng an thanh hna.

Kayah ramchung a rak lut mi eidin phur motor zong luhter an duh lo. Nan thil chia ta dih ulaw minung lawng luh khawh a si, an ti. Kan ngakchiat tein kan umnak hmun kan chuahtaak mi hi kan lung hrimhrim a fak tuk,” tiah a chim. Mipi hna cu an hmunhma chung in chuahkhawhnak nawl an pek hna lo lengah ralphaw ah an kawl hna i an tlaih hna. Khua zong mei an khangh, inn hna cu vanlawng in bomb an thlak. Khua mi hna cu ‘PDF nan si’ tiah an ti hna i an thah hna, mei in an khangh hna. Atu thla chung kahdohnak ah sualnak ngei lo mipi 30 leng an thi i a thi mi chung ah kum upa le ngakchia hna zong an i tel. January thla thawk in atu tiang KNDF le ralhrang karlak kahdohnak ah ralhrang 100 leng an thi i hriannam tampi KNDF nih an laak khawh, tiah theih a si.

Be First to Comment

Leave a Reply

Your email address will not be published.