Press "Enter" to skip to content

Faphir Ka Ngei lai Tiah ai Ruah Nain Doctor te Tiang An Khuaruah har mi Thil A cung ah A Tlung

lawrence le a pasal hi taxas ah a um mi an si i an nupa in hmunkhat an um tti nak zongn a sau ngai cang nain kum tampi chung cu nau ngei kho lo in an um peng i nau ngeih cu an saduhthah nganbik pakhat bantuk a si. An mah nupa sining zoh tik ahb a fiangmi cu nau hi duhtik can poah ahb ngeih khawh a si i duhlo e ngeihlo khawh a si timi cu a rakm sihrim lo cungle khuakhan nak le lungtlinpi nak a um lawng ah nau hi ngeihkhawh ve ceo a si timi zong a fianter ngai ngai.

Lawrence te nupa cu nau ngei kho dingin an sikhawh chungin an i zuam i a tha an timi poah cu an tuah dih cang nain nau hrim an pawi kho lo i beidong ngai in an nun an hmang. Mi tampi nih an uar ngai mi pa cii kha nupi le taksa chung ah rawn i naupawi ter timi cu an thinlung ah a hung lang ve i hi thil hi an nih nupa pahnih caah cun an i ruahchan nak a dongnak bantuk zong a si fawn.

A sinain cu ti tawp in pa cii nupi le taksa chung i rawn i nau pawiter tawp timi zong cu an ruahrem pah than lo i eiti khuakhan awk thei lo cun can an hmang. Nikhat cu thaw i chuah pah in tiah an hawile he khualeng ah an chuak i nuamhnak can an hmang hna. Cuka hmun i a al vemi an hawi pakhat kut tial zohthiam timi nih cun an kut tial a zoh hna i nanmah nupa hi cunglei in thil phundang ngai an pek dingmi hna a um cucu hngakrih ko u a can phan lai i khuaruah har thilmak nan cung ah a lang hrim lai a ti hna i an nupa cun khuaruah har ngai in an um.

Inn an tlun hnu can zeimaw zat a liam hnu ah cu an hawi pakhat chim mi zong cu an thinlung ah a um ti lo i a philh zong an philh diam cang. Nikhat cu zeipoah a si ah pa cii nupi le taksa chung i rawn i naupawi ter cu tuah ve taktak dingin biakhiahnak an tuah i doctor te an panh hna. An mah duhning te cun an pa cii cu an nu taksa chung ah cun an rawn piak ve i an i ruahchan ning bantuk tein an nu cu nau a hung pawin taktak ve cang i an i lawm ngai ngai.

Can a liam deuh i an nupaw zong cu a lian chin lengmang i doctor te sin ah an vai i piah than i, nurse nu nih cun na pawchung i nau a um mi hi pakhat lawng silo in pakhat nak tam a si lai tiah an nu cu a rak chimh. Cutik ah cun an nupa in nau ngeilo in kum tampi a um cangmi an si i naungeih aduhtuk mi an si ve tik ah faphir van ngeih ding cu an i lawm taktak. A sinain doctor te nih a pawchung cu tha tein an van check tik ah cun na pawchung nau hi faphir zong silo in nau pa 5 bak an um ko tiah a chim tik ah an nupa cun i lomh ding le thinphan awk zong an i fiang than ti lo i khuaruah har in an um than.

Doctor pa nih cun a nupi paw cu tha deuh in a van check than i na pawchung ah hin nau 5 lawng hmanh silo in 1 a dang zong ka hmuh than a ti i a zapi te cun 6 bak a hmuh hna. Cutik ah cun lawrence te nupa cu zeitin dah a si lai hi nau 6 bak van ngeih ding ah cun a nupi nunnak caah tihnung a si ve tik ah, a then ngeih i a then cu doctor te thiamnak hmangin thah ding, a silo le an zapi te in ngeih lo lawlaw i an nunnak lak piak i a nupi ca tu ruah deuh ding timi cu biakhiahnak har taktak a si cang.

A donghnak ah an nupa in biakhiahnakm an tuah mi cu an mah thisen bak in aa sem mi naute an si dih ko caah pakhat hmanh that lo zumhngam nak bak in an za tein hrin dih i zuam dingin biakhiahnak an ngei. Nau an ngeih nak ding hospital zong cu lawrence nih nau 6 bak a ngeih lai caah i palh sual nak um lo ding tein an i ralring ve i riantuan tu hna zong biatak tein timhtuah nak an ngei ve.

Cuti cun lawrence cu nau ngeih can a hung phan i sizung i nau ngeihnak room chung ah cun an luhpi. Sizung riantuan tu minung 30 hrawng nih ready tein an buaipi i minutes 4 chung ah nau 6 cu fawi tein a ngeih khawh dih hna. A fale ngeihmi hna cu pound 1-2 karlak hrawng a rit mi lawngte an si hna. Nau an ngeih hnu zong ah hin an innlei ah an tlunter colh hna lo i an fale cu an 6 ning tein doctor te kut ah zohkhenh rih an si.

Khatlei kam cun fa 6 bak a hrin tik hna ah hin an caah ngandamnak lei zong ah harsatnak nih a kan phak sual lai ti zong an phang ngai in an fale ca zong ah thihnak tiang a chuak sual lai timi cu an phang ngai ngai. Nau a ngeih hnu ni 4 a ruah hnu ah cun a nupi nih a fale lak i upa bik cu a takpum cung ah a pom ve khawh cang i lomhnak in a khat, cuti cun sizung ah thla 4 tiang doctor te nih an bultawl rih hna i thla 4 a rauh hnu ah cun an fale zong ngandam lei an panh i cuti cun innlei ah an lawi pi khawh ve cang hna.

A sinain an fale 5 lawng an i lawipi hna i pakhat cu sizung ah um rih a hau. Sizung ah u m rih a haumi hi a hngakchia cem a si i, a nih hi a nu pawchung i a um lio ah khan a u le bantuk in hmunhma a ting ve lo i eidin zong a rakm tingco ve lo ti a si, curuang ah cun a ule nak in a derthawn deuh i sizung ah doctor te nih tha deuh in zohkhenh rih a hau tiah an ti nak a si. Can a hung liam i an fahniang te zong cu sizung in a chuak kho ve cang i, an chungkhat le an hawikom lawng hmanh silo in an thawngpang a theitu vialte nih cun an lomhpi taktak hna i an fale zong dawtu le rak zohpiak tu tampi an ngei hna.

Theihhngalh lomi pipi zong nih an fale cu an rak zohpiak hna laksawng tampi an rak pek cio hna i an nupa in lomh an hlawh taktak. Cuti cun an fale cu an hung thang ve i a tu ah cun kum 8 an si ve cang i an unau 6 lak ah 5 u an ngandamnak zongn a tha i an hrisel dih nain a hniangbik nu cu a nu pawchung i hmunhma a tin ve lo caah a thluak lei ah tlamtlin lonak a ngei i nulepa ngeihsak hau deuh ah a cang i, a nu lawrence nih cun ka fale lak ah a hniangbik nu te nih hin a ka lomhter bik, a ule a tluk hna lo nain a mah bantuk a tlamtlign deuhlo mi pawl sianginn ah kan kaiter ve i chungkhar hi a kan nihter i a kan lomhter biktu a si tiah a chim ve.

Be First to Comment

Leave a Reply

Your email address will not be published.