February 19 Kahdohnak Ah CDF Hna Nih Ralhrang 7 An Thah Hna
Mindat Le Kanpalet Ah Febuary 19 Ah Kahdohnak A Chuak I, Ralhrang 7 An Thi! Chin ramkulh Mindat peng chung le Kanpalet peng chungah Febuary 19 ah kahdohnak vawi (3) bak a chuak tiah theih a si. Chun sml 1:20 hrawngah Mindat peng chung Hlui Zaw khua ah SAC ralhrang ralkap an rak lut i, cuticun Sue Yi khua chungah an luh caah CDF-Mindat he fak taktakin an i kap tiah theih a si.
SAC ralhrang ralkap nih hriamngan lawngte hmangin an kah nain CDF-Mindat leikap ah a thimi le hliam tuarmi an um lo tiah theih a si. CDF-Mindat nih fak tukin an kah hna caah SAC ralhrang (3) an thih pinah a dang (2) nih faktuk in hliam an tuar. Febuary 19 zinglei sml 7:30 thawkin CDF-Kanpalet le SAC ralhrang ralkap karlak ah kahdohnak a fak ngai ve tiah theih a si.
SAC ralhrang ralkap 4 an thih pinah a dang tampi nih faktuk in hliam an tuar tiah theih a si. SAC ralhrang ralkap nih lamhlat kahnak hriamngan cu a hlei hluat tukin an hman ruangah CDF-Kanpalet leikap ah hliammi umloin an i zukphiak kho tiah theih a si. Pehzulh in kahdohnak hi a chuakmi dinhmun a si caah ramchung ramleng ah a ummi Kanpalet peng chung mipi hna nih thlacamnak in siseh phaisa thazaang in siseh kan bawm hram u tiah zangfah an nawl tiah Zalen nih a tial. Credit; The Federal Times
Ralhrang Ciocio Ah Alawh Lomi Ralbawi Pahnih. Nazi General Choltitz le Lt. Col. Myo Zin Tun Kawl Sachiatpa. Thlachiat Ruatnak le Dawtnak a ngeih tu Germany Nazi Ralhrang Ralbawipa Gen. Choltitz asi. Dawtnak le zawnruahnak Lungput pelte hmanh a ngeih lo I Saram lungthin ken Kawl Rallokap bawi Lt. Col. Myo Zin Tun he cun dansup bak an si ko.
Thantlang khualipi cu lak lawh thatlo tiang in a khangh ko nain, nihin tiang a nung rih. A ke pakhat te lawng a bul I asiko. Kutke bikmi Rallokap hi mi vantha an ti lehlam hna. Gen. Choltitz cu Adolf Hitler nih Paris Uktu ah a chiah. Paris Khualipi urhkangh ding ah Hitler nih a fial ko nain, a khangh sianlo caah, an thah ve bak ko. World Heritages timi a rawk dih lai kha a ruah kho lo. Amah zangfahnak ruangah Paris cu a him I, World Heritages timi hlanchan thilri mansung he akhat mi, vawleipi minthang Khualipi,
Mikip nih lenkai aduhmi Paris, ramdang phaisa tampi hmuh nak, tbkin thathnemhnak relcawklo he akhat mi Paris khua asi cang. Gen. Choltitz nih Lt.Col.Myo Zin Tun nih Thantlang khualipi a khang bangin khangh ve sehlaw, Vawlei minthang bik khualipi tiah Paris hi an ti ve lailo. Gen Choltitz hi Rawktadam khualipi meiduah inna ciam tertu asi. Paris a huattu Hitler nih Paris meiduah dih seh tiah Paris Uktu SPH ah a chiah hnawh chan mi asi.
Mahameih hna nih Paris an lak than ko lai caah an lak hlan ah Urhkangh dih awk ah Hitler nih afial. Gen. Choltitz nih a khangh sianlo caah, Mahameih Ralkapbu nih Paris cu anmah tein an lak khawh than ve. Techinnfpar chan tiangin Minchiatnak he um ding kha aruat khawh lo caah Paris a khumzual hi asi. Amah nunnak tu a liam ve.
Thantlang Khualipi a duah ter dihtu Lt.Col.Myo Zin Tun hi amah cu nung ko hmanhsehlaw, a techin fapar tiang in an min hi chinchiah awk tlak an si. An takpum le an nunnak cu harnak kan pek hna lailo nain Social punishment tu pek ding an si ko. Kalung U Saw bang in Myo Zin Tun hi hmuh ve ding asiko. Kalung U Saw tefa rual cu mipi nih hmuhsuan deuh asiko. U Saw tefa le Myo Zin Tun tefa rual hi aa tlukin mipi nih hmuh ve kha a herh ko timi Agenda asi. By_ Zingtincuai Cinzah
