Press "Enter" to skip to content

Gen-Min Aung Hlaing Le A Party Hna Cu Tlaih Ani Tim Cang Hna Khuaci An Mui Cang

Kawlram cu 2021 February 1 ah khan Ralkap nih Nawlngeihnak an lak i, Myanmar State Counsellor Daw Aung San Suu Kyi le President Win Myint telh in Ramhruaitu tampi an tlaih hna.Ralkap nih Nawlngeihnak an lak i, Ramhruaitu vialte an tlaih mi hna cu Kawlram mipi an lung a tling hrimhrim lo, an lung a fak tuk. Kawlram mipi nih Ralkap uk cu an duh hrimhrim lo i, Ramhruaitu nan tlaih mi hna hi kan thlah piak hna u tiah nihin ni caan tiang Sandah an peng.

Cubantuk cun Vawleicung Ram tampi nih Ralkap nih Nawlngeihnak an lak mi cu an lung a tling ve hrimhrim lo. Ram hruaitu nan tlaih mi hna vialte hi a rianrannak in thlah hna u tiah an forhfial len hna. Nain, Ralkap nih Nawlngeih an lak i, Ramhruaitu an tlaih mi hna cu nihin ni caan tiang an thlah bal rih hna lo.Hi kongahhin American aa sum kho ti lo. American nih Nawlngeihnak a la tu Ralkap Bawizik pawl cu tlaih a timh cang hna i, mahtibak hin a langhter cang.

Thawngpaangttha ngai a si ti khawh a si. “Nawlngeihnak a la tu Ralkap Bawizik pawl a tlai kho tu paoh le tlaihkhawhnak lam a sial kho tu paoh cu American Dollar 5 Million pek nan si lai tiah” War Crimes Rewards Program (WCRP) nih an langhter cang.Hi kong he pehtlai in minung tampi nih an chim ning ahcun Nawlngeihnak a la tu ah Ralkap an lu bik a simi Min Aung Hlaing cu zaam ai tim cang tiah a chim mi zong an um len cang. Nain, fehternak a um rih lo.

A tu hi Ralkap uknak duh lo ruangah nihin ni caan tiang pehzulhten Sandah piah cuahmah a si. Cozah riantuan tampi zong Zung an kai ti lo. Palik tampi zong mipi lei ah an ttang cuahmah. Mipi pawl cawl le Cozah riantuantu pawl cawlcangh ning hmual a ngei chin lengmang. WCRP Twitter

Be First to Comment

Leave a Reply

Your email address will not be published. Required fields are marked *