Falam Peng Khuate Khuate Pakhat Ah Ralhrang Nih Bomb An Tlak i Mi 11 Nunnak A Liam Cang
AC nih Jet Fighter in Waibula khua ah bomb a thlak i khuami 11 nunnak liam, Vaar SAC ralhrang camp CNDF nih an laak hnu ah SAC nih vanlei raltuknak Jet Fighter in Falam peng Waibula khua cu bomb a thlak i khuami nunnak liam an tam tiah thawng kan theih.
Hi kong he pehtlai in Waibula khuami pakhat nih, “Suimilaam 12:00 tluk ah khuachung ah bomb a thlak. Khuachung a kah ruang ah khuami minung 11 nunnak a liam,” tiah THP ah a chim. TheHakhaPost
Southeast Regional Command, General Myat Thet Oo Cu Lungkhan In Rian A Ṭuan Lo Caah An Tlaih. Nichuah thlanglei um ralkap headquater, Southeast Regional Command, ramṭhen uktu General Myat Thet Oo cu cunglei nih ṭuanvo pekmi le nawlpekmi a ngaih lo pin ah a daithlan caah Min Aung Hlaing nih dantatnak a pek, tiah theih a si.
March ni 25, lio Myawaddy thil luhchuahnak zone kahdoh ruang le March ni 28, KNU Brigade 5 hmunram um Mayhkahtar SAC ralkap an sunghmi kong ah Southeast Regional Command, ramṭhen uktu General Myat Thet Oo cu a rian in an phuah i, a sualnak an kawl cuahmah lio a si, tiah theih a si.
“Southeast Regional Command, ramṭhen uktu General Myat Thet Oo cu a rian in cunglei bawi nih an phuah. Karen ramkulh le Mon ramkulh kahdohnak SAC ralkap a thimi an tam tuk pin ah sakhan zong an sungh caah atu bantukin dantatnak an pek hi a si. Cunglei nawl pekmi a ṭuan khawh lo caah an tlaih hi a si,” tiah Khit Thit Media nih an langhter.
SAC nih nawlngeihnak an laak hlan ah General Myat Thet Oo cu Tatma 77 Brigadier rian a rak ṭuanmi a si i, 2021 February thla ah Northern Military Headquarters ramṭhen uktu le 2022 August ah Southeast Regional Command, ramṭhen uktu tiin a rian a kaimi a si.
