Press "Enter" to skip to content

Thawngtha Chin mipi Hriamtlai nih ralhrang 100 hrawng An Thah hna

𝐅𝐚𝐥𝐚𝐦 𝐏𝐞𝐧𝐠 𝐋𝐞 𝐊𝐚𝐥𝐚𝐲 𝐏𝐞𝐧𝐠 𝐈𝐧 𝐓𝐡𝐥𝐚𝐤𝐡𝐚𝐭 𝐂𝐡𝐮𝐧𝐠 𝐊𝐚𝐡𝐝𝐨𝐡𝐧𝐚𝐤 𝐀𝐡 𝐒𝐀𝐂 𝐑𝐚𝐥𝐤𝐚𝐩 𝟏𝟎𝟓 𝐀𝐧 𝐓𝐡𝐢, April thlachung ah Chin ramkulh, Falam peng le Kalay pengchung ah SAC ralkap le CNDF kahdohnak voi 13 a chuak. Cu kahdohnak ah cun SAC ralkap lei 105 an thi i, CNDF in minung 6 an nunnak a liam, midang 4 nih hliamhma an tuar, tiah CNO nih nihin May 10 ah an thanh.

Kaphnih kahdohnak ah hliamhma an tuar mi 4 le SAC ralkap thah a tong mi CNDF chungtel minung 5 lengah kahdohnak chung ah nunnak a liam mi 1 ti in CNDF chungtel 6 an nunnak a liam, tiah an thanh. A tulio Chin ramkulh ah tualchung hriamtlai phu hna le SAC ralkap kar atu tu ti tluk in kahdohnak a chuak, tiah CNO nih nihin May 10 ah an thanh.

Sagaing ramṭhen Kata pengkomh Indaw(အင်းတော်) peng Naba(နဘား) khua le Pinwai(ပင်ဝယ်) khua kar ah SAC ralkap motor run 8 cu pa-de-ta bomb in doh an ton caah SAC ralkap 6 an thi, tiah Tiger Army Nih an chim. “Htichait (ထီးချိုင့်) peng in a kai mi SAC ralkap motor run 8 cu nihin May 10 zinglei suimilam 5:30 hrawng ah pa-de-ta bomb lung 9 in puahhnawh an si i, cu bomb puahnak ah cun SAC ralkap 6 an thih lengah hliamhtuar zong an tam,” tiah Tiger Army in ṭuanvo ngeitu pakhat nih a chim.

SAC ralkap motor run cu Tiger Army le KIA phufonh nih an bomb an puahhnawh hna, tiah theih a si. Mizapi cu, SAC ralkap motor he naih tein umkal lo ding in Tiger Army in ṭuanvo ngeitu pakhat nih ralrin peknak bia a chim. Myaung Peng Memataw Khua Ah Rallam a Sialtu SAC ralkap Kahdohnak Ah Ralbawi Telh In Ralkap 5 An Thi: Sagaing ramṭhen, Myaung peng, Memataw (မယ်မသော်) khua ah rallam a sialtu SAC ralkap cu May 5 ah Myinchain (မြင်းခြံ) pengkomh no.5 battalion, Hnalung Hlah Lu Mait Gyi(နှလုံးလှလူမိုက်ကြီး) phu nih sniper in an kahhna i.

SAC ralkap ralbawi bo 3 pakhat telhin ralkap 5 an thih lengah midang 3 nih hliamhma an tuar, tiah Hnalung Hlah Lu Mait Gyi(နှလုံးလှလူမိုက်ကြီး)phu an chim. SAC ralkap lei ralbawi bo 3 pakhat le hriamngan tlaitu pakhat telh in minung 5 an thihnak le SAC ralkap chungtel hliamhma tuar mi 3 kahdoh an tonnak vedio cu Hnalung Hlah Lu Mait Gyi(နှလုံးလှလူမိုက်ကြီး)phu nih nihin May 10 an langhter.

Kahdohnak ngol a si hnu ah Myinchain(မြင်းခြံ) pengkomh no.5 battalion, Hnalung Hlah Lu Mait Gyi (နှလုံးလှလူမိုက်ကြီး) phu nih hmunhma zohfelnak an tuah lio ah, SAC ralkap ralbawi pakhat nih aa tlaih mi 380 pistol 1 le kuan bawm 1 kan lak, tiah Hnalung Hlah Lu Mait Gyi (နှလုံးလှလူမိုက်ကြီး) phu nih an thanh. The Chin Post

Be First to Comment

Leave a Reply

Your email address will not be published.