Press "Enter" to skip to content

Good News! CDF-Mindat Pasaltha Hna Nih SAC Ralkap 30 An Thah Hna!

CDF-Mindat Nih SAC Ralkap 30 An Thah Hna! Chinland Mindat peng, Matupi-Mindat Kar ah SAC Ralkap mawṭaw run cu, nihin May 9 ah Bomb voihnih kan puah hnawh hna i SAC Ralkap 30 leng an thi, tiah CDF Mindat nih cathanh an chuah.

Mindat- Matupi kar mengtung 25 nak ah zing suimilam 11 in zanlei sml 1 tiang kahdohnak a chuak, cun hmundang ah Bomb voihnih kan puah hnawh ṭhan hna i SAC Ralkap 30 leng an thi, hliamtuar zong an tam, tiah an cathanh chung ah cun an langhter.

SAC ralkap he kahdohnak hi zarhkhat leng a rau cang, cucaah CDF-Mindat kan ralkap ral hmaikal mi caah bawmhnak an herh ko, tiah an cathanh ah cun an ṭial chih. Credit; The Chin Post

Relchap>>>>><<<< Thailand-Myanmar ramri Mae Sot peng ah Myanmar reporter cheukhat cu Thai palek nih an tlaih hna caah an zaam hna, tiah reporter pakhat nih Ayeyawady ah a chim. Reporter cheukhat cu Myanmar ram a him lo ruangah i dor ding in Thailand a phan mi an si hna i, sinain Thai palek nih cun an rak tlaih hna, tiah reporter pakhat nih cun a chim.

Atu zong ah reporter cheukhat le an chungkhar hna cu a himnak hmun phan kho lo in an zaam lio a si i, an zaamnak hmun ah i khawng deng in hliamhma a pu mi zong an um, tiah theih a si.

SAC kuttang ah media rianṭuan hna cu tlaih an si i, an nunnak kong ah ṭhihphaih an ton caah Thailand-Myanmar ramri, India-Myanmar ramri le tlang cung hriam tlai phu umnak hmun cheukhat ah zaam in an i dor hna. SAC nih uknak an lak hnu in media rianṭuantu minung 200 leng cu tlaih an tong cang i, minung 3 cu SAC kut an um lio ah an nunnak a liam.

India ramchung i Mara miphun hna umnak Saiha District tiah mizapi nih kan hngalh mi Mara Autonomous District Council(MADC), kum 2022-2027 tiang hruaitu ding Members of District Council(MDC) thimnak cu a luancia May 5 ah khan rak ngeih a si i, vote hi nihin May 9 ah relnak ngeih a si. Mara Autonomous District Council(MADC) chung ah vote 42,342 a um i, vote ngeitu 36,199 nih an vote an thlak. Vote tla vialte hi 85.30% a si.

MADC ramchung ah hin pengkulh(constituency) 25 a um i, tutan 2022 MADC, MDC thimnak hi a voi 12nak General Election a si. Pengkulh 25 chung in candidates 85 an um i, Bharatiya Janata Party(BJP), Mizo National Front (MNF), Indian National Congress (INC), le Zoram People Movement (ZPM) party hna in MDC thimnak ah an i cuh hna.

Local Media nih an langhter ning ah nihin May 9 zanlei suimilam 6 hrawng ah vote relnak ngeih dih a si i, BJP nih pengkulh 12 ah teinak an hmuh i, MNF nih pengkulh 9, INC nih pengkulh 4 ah teinak an hmuh ve. MADC cozah hruai kho ding in pengkulh 25 chung in Party kip nih pengkulh 13 tal ah teinak an hmuh an hauh caah tutan MADC thimnak ahhin Cozah hruai kho ding Party an um lo. Cucaah party pahnih komh in MADC cozah an ser a hau lai tinak a si.

Thailand thlanglei Narathiwat ramkulh Tak Bai ah Myanmar mi 89 cu May 7 ah tlaih an tong, tiah theih a si. Tlaih a tong mi hna hi Malaysia ah phung ning loin an luh khawh nakhnga a hngak mi an si. Tak Bai ah inn pahnih cu palik nih luh hnawnh in an chek i, a chung ah Phungning loin ramdang a lut mi, Myanmar mi hna cu an tlaih hna, tiah Narathiwat ramkulh Deputy Police Chief Thawatchai Duksukkaew nih a chim.

Myanmar mi a phortu mawtaw(pick-up) 3 zong palek nih an tlaih chih. Palek nih an luh hnawh lio ah a zaam manh mi mawṭaw khaltu hna cu kan kawl lio hna a si, tiah palek nih media he tonbiaruhnak ah an chim. Ram chung ah phung ning lo chawlehnak(smuggling) cu kham khawh a si nakhnga ramri security kan ṭhawnter deuh lai, tiah Narathiwat ramkulh in ṭuanvo ngeitu ralkap bawi Chalermporn Khamkhiao nih a chim.

Be First to Comment

Leave a Reply

Your email address will not be published.