Press "Enter" to skip to content

Good News; Hakha SAC nih zarh khat leng an hrenmi hna Thantlang facang phortu motor pawl cu nihin zaanlei ah kalnak nawl an onh tthan hna.

Thantlang Facang Phor Motor pawl an Lan Kho Cang
————
Hakha SAC nih zarh khat leng an hrenmi hna Thantlang facang phortu motor pawl cu nihin zaanlei ah kalnak nawl an onh tthan hna.
Zaan sml. 7:00 hrawng ah motor zapi in Thantlang ah tluang tein an phan cang, tiah Thantlang upa pakhat nih The Chin Journal ah a chim.

Thantlang Facang Phor Motor 10 Hrawng Hakha ah SAC nih an Hren Hna
———
#Updated [Nihin zaanlei ah motor pawl an lanhter dih cang hna. Zaan sml. 7:00 hrawng ah motor pawl Thantlang ah an phan cang]
——————–
Mandalay le Kalay lei in Thantlang ah a lan dingmi motor pawl Hakha SAC nih Thantlang ah lan kho loin an hren hna, tiah thawng kan theih.
“Motor a hrenmi hna hi pakua pahrapi an si. Mandalay lei in a rami motor 2 le Kalay lei in a rak kaimi pawl an si hna. Acheu cu ni 5,6 an hren cangmi hna an um i, acheu hi ni 10 hrawng an hrenmi hna zong an um,” tiah Thantlang upa pakhat nih The Chin Journal a chim.
Hakha SAC nih an hrenmi Thantlang lei motor pawl hi facang le eidin dangdang a phormi an si hna.
“Facang a phormi le eidin dangdang (စားကုန်) pawl a phormi an si hna. Datsi cu tlaih lengmang a si caah an phor ti lo,” tiah a cunglei upa nih a chim chap.
Thantlang ah facang le a dangdang thilri phorh ding in penguk nawl onhnak hal a si bang in Hakha i SAC ralbawi (ဒုတိုင်းမှုး) zong phone in an chawnh ko nain nihin tiang lanhter loin an hreh rih hna.
“Nihin kha Thantlang lei ah nan lan kho cang an ti hna. Asinain, Khuathar Gate an phak ah kir dih tthan u an ti hna,” tiah a chim chap.
Thantlang ah motor a luh lonak ni 15 hrawng a si cang. Thantlang hrimhrim ah SAC nih motor luhter lo an duh ruang ah a si kho tiah an ruahdamh.
Asinain, Hakha i an hrenmi motor pawl hi atu zaanlei zong ah an thlah khawh men hna, tiah a cunglei upa nih a langhter.

Hakha Palik Sakhaan ah COVID-19 Zawtnak a Ngeimi Minung 30 an Hmuh Hna
——–
Hakha palik sakhaan thonginn ah an hrenmi hna minung 25 le palik 5 sin in COVID-19 zawtnak kan hmuh, tiah Dr. Paing Ko Linn nih a chim.
“Thongtla 25 kan check hna i an zapi in zawtnak an ngei. Thonginn hngak palik 7 kan checkmi hna chung ah 5 Positive an si ve,” tiah a chim.
Hakha General Hospital ah rian a ttuanmi ngandamnak lei rianttuantu hna nih thonginn ah an vung check hna i positive minung 30 an hmuh hna hi a si.

The Chin Journal
August 19, Hakha

Be First to Comment

Leave a Reply

Your email address will not be published. Required fields are marked *