Good News! Kalay-PDF Nih SAC Ralhrang Tam Tuk An Thah Tthan Hna Ee!
Kalay peng ah SAC ralkap le PDF-Kalay cu ni 3 chung an i kap i SAC ralkap 10 leng an thih lengah hliam tuar zong an tam, tiah theih a si. Kahdohnak cu hmunthum ah a chuak, tiah PDF-Kalay nih nizaan April 25)ah an thanh. Kalay peng Nat Chaung khua in Kalay peng thlanglei khua hna ah rallam a sial mi SAC ralkap hna cu nizaan April 25 zing Sml 10 hrawng ah PDF-Kalay phufonh nih an kah hna i zaanlei Sml 3 zong ah kahdohnak a faak rih, tiah theih a si.
Nat Chaung(နတ်ချောင်း) khua in Aung ChanThar(အောင်ချမ်းသာ) khua lei ah mawṭaw pakhat le cycle 15 he rallam a sial mi SAC ralkap hna cu nizaan April 25 chun Sml 1 ah Pan Mun Chaung(ပန်းမွန်ချောင်း) hlei ah bomb puah hnawh an si i, a thi mi an tam, tiah theih a si.
Cu hna cu zaanlei Sml 3 tluk ah Chaungywa (ချောင်းခွ) le Aung Chan Thar khua kar ah bomb puah hnawh an si ṭhan i an mawṭaw pakhat a rawk. SAC ralkap hna nih Nat Chung le Chaungywa khua inn zeimawzat zong an khangh, tiah theih a si. Kalay in Kalay peng thlanglei ah rallam a samh mi SAC rallap 150 tluk le mawṭaw 6 cu PDF-Kalay nih April 24 ah khan bomb an puah hnawh hna i SAC ralkap 5 an rak thi, tiah theih a si. Credit; The Chin Post
Sagaing ramṭhen Myaung(မြောင်) peng ah ral veng ding in a kal mi SAC ralkap hna cu April 25 zaanlei Sml 5:00 ah PDF phunga nih bomb an puah hnawh hna, 6 hliam an tuar i, 2 an thi, tiah 11 Brother Force Revolution Force (Myaung) in rian ngeitu nih a chim.
Myaung peng Kyot Yit Sanpiah(ကျောက်ရစ်စံပြ) khua ah umhmun a khuar mi SAC ralkap hna cu khua thlanglei kap hlei pawng i ral an ven lio ah bomb lung khat puah an si, tiah 11 Brothers Revolution Force (Myaung) in rian ngeitu nih cun a chim. Hi bomb puahnak ah hin T.G.R (Myanung), Bo Nay Toe special guerrilla force(B.N.T),11 Brother Revolution Force (Myaung), Burmese Guerrilla Force-B.G.F(Myingyan), Bo Toh Thun (ဗိုလ်တောက်ထွန်း)(MBTT) hna i bawm, tiah theih a si.
Relchap; Taningtharyi ramṭhen, Kawthoung(ကော့သောင်း) pengkomh, Pyi Gyi Mandaing(ပြည်ကြီးမဏ္ဍိုင်) peng Yadanabon(ရတနာပုံ) khua pawng ramlak hmunkhat ah SAC ralkap le tualchung mipi vengtu ralkap hna cu April 23 zaanlei Sml 5 tluk ah khan an i kap i SAC ralkap 3 an thih lengah hriamthil le zenkuan zeimawzat zong an lak, tiah theih a si.
Mipi vengtu ralkap umnak hmun lei ah SAC ralkap nih hriamngan le hriamhme in an kah thlorh i kahdohnak hi Sml cheu hrawng a rau. Kahdohnak ah SAC ralkap 3 an ti i mipi vengtu ralkap hna cu hliam tuar um lo tein hnu an tolh kho ṭhan, tiah Taningtharyi pengkomh PDF hruaitu nih thawng an thanh. Cu kahdohnak ah cun Kawthoung pengkomh PDF le pah-kah-phah(ပ.ကဖ) an i bawm, tiah theih a si.
Cun, April 25 chunhnu ah Pakokku peng Kine(ကိုင်း) khua nichuah lei kap ah a um mi ṭhlam ah chikhat aa din mi SAC ralkap hna cu PUGF, Myaing le PPDF aa bawm mi PDF phufonh hna nih 60mm in an kah hna i, SAC ralkap 5 an thih lengah hliam tuar zong an tam, tiah Pakokku Guerrilla Force nih thawng an thanh.
