Press "Enter" to skip to content

Good News; Nihin (August 18) ah SAC Ralhrang nih an tlaihmi hna Hniarlawn khuami pawl cu tuzaan ah an thlah tthan hna

SAC nih Nihin ah an Tlaihmi hna Hniarlawn Khuami Pawl an Luat Cang
———-
Nihin (August 18) zinglei ah SAC ralhrang nih an tlaihmi hna Hniarlawn khuami pawl cu tuzaan ah an thlah tthan hna, tiah thawng kan theih.

COVID-19 ruang ah Hniarlawn khua zong Lockdown tuah a si. Nihin hi ttuanvo ngeitu committee nih thil i chanhnak caan onh a si bang in Hakha in thil chanh ah aa thawhmi minung 13 cu SAC ralhrang nih an tlaih hna.

Biaknak lei upate nih palik sakhaan ah an tawlrelpi hna hnu ah an thlah tthan hna hi a si.

Falam Peng Kahdohnak ah SAC Ralhrang 40 Hrawng an Thi
——–
July 1 in August 15 karlak ah Falam peng chung ah CNDF, PDF-Kalay le CDF i bawm in SAC ralhrang he kahdohnak voi tam nawn a chuak i SAC ralhrang lei in 40 hrawng an thi lai, tiah CNDF nih an ruahdamh.

July 1 ah CNDF le PDF-Kalay i bawm in SAC ralhrang he kahdohnak ah ralhrang 4 an thi.
July 21 in August 15 tiang ah Falam-Hakha karlak ah CNDF le CDF i bawm in SAC ralhrang he kahdohnak voi tam nawn a chuak i ralhrang lei in minung 35 hrawng an thi lai, tiah an zumh.

SAC ralhrang 30 hrawng hliamhma an pu i, Falam-Hakha karlak ah SAC ralhrang Drone pakhat zong kahthlakpiak an si, tiah CNO nih cathanh an chuah.

The Chin Journal
August 18, Hakha

Be First to Comment

Leave a Reply

Your email address will not be published. Required fields are marked *