Press "Enter" to skip to content

Good News! PDF le tlangcung hriamtlai hna nih khuate tam deuh cu an uk khawh cang

PDF le tlangcung hriamtlai hna nih khuate tam deuh cu an uk khawh cang i, a rauh hlanah a himmi hmun (Liberated Area) kan ser khawh lai, tiah NUG caankarlak President, Duwa Lashi La nih April 16 ah a chim. ”Mizapi sin theihter kan duhmi hna cu NUG nih, a hruaimi PDF le tlangcung hriamtlai hna nih ram chung hmun tam deuh, a bik in khuate tam deuh cu an uk cang.

Hmundang zong an kulh cuahmah,” tiah caankarlak NUG President nih a chim. Cu bantukin hmun tampi an uk khawh, an laak khawhnak hi mizapi nih nan dirpinak, tha nan peknak thawng in a si. ”A rauh hlanah liberated area kan ser khawh cang lai. SAC ralkap he kan i tuk, kan i kahnak paoh ah teinak kan hmu i a donghnak zongah hlawhtlinnak kan hmu hrimhrim lai ka zumh,” tiah a chimchap.

Kan uk khawhnak hmun pawl ah caankarlak i uk hruainak ca ah mizapi bawmh chanhnak thawngin ṭuan hram kan thok cang. CDM tuahmi hna lam hruainak in fimcawnnak le ngandamnak kongkau zong kan ṭuan cuahmah. I thlopbulnak he aa pehtlai mi seh thilri a har tuk ko buah, sii-ai tete zong mizapi sinah pek chanhnak kan tuah cang tiah caankarlak President nih a chim. Credit; The Chin Post

Relchap; Pu Min Aung Hlaing (MAH) Nunnak Hi Pu Thang Sui Asi. Pu Thang Sui thih sehlaw, MAH hi thlavai kian in a um lai I bochan awk aum ti lailo. Thang Sui suaimi 2008 phunghrampi um hlahseh law MAH cu Kaachuk asi lailo I Anaa an kan chut ve lailo. Tu dirhmun hi kan si ve lo lai. Thang Sui cawkpiakmi hriamnam Le vanlawng um hlah sehlaw MAH cu Uifir bang ngawi hninghniang in saruh bawh pahin tual Le kahcham ah abawk diam cang hnga.

Pu Thang Sui nih tuahpiak mi Raldoh hawikom rual um hna hlah sehlaw (Ramchung EAO cheukhat Le ramdang telin), CDF / PDF nih kan thluk diam cang. Thang Sui Le Khin Ngyunt nih lamsial piakmi EAOs Le Tlangcung mi thencheuh in thazang der ter timi mumal um hlah sehlaw, Federal Army a um diam cang I NUG Le mipi kut ah Ukpennak a phan / phak diam cang ve lai.

Culam cu zulh in CNA / CDF ah I pumkhat khawh lomi Theory Le Political Ideology aasem ve. ZRA, MDF, CNDF, CDF – Mindat tiah tefa a hrin thluahmah ve. Vokpi bang a ci an tha I fa tampi a hrin ve. Voikhat in fa (12) ahrin tu Vokpi bang si sual ahcun, LAIMI KAN CEM RORI. Arti maw Arpi dah a hrin hmasat timi tuanphung bang then awk Tha lomi Laimi lakah thencheuh nak cu FALAM Le Hakha – Thantlang karlak ah dam khawh tiloin aum.

Thang Sui thlaici thatlo cu vawrh asi ve. Arti Le Arpi hlan ah Arpa aum hmasa tihi hngalh in zulh ahcun a buaibai baklo dakaw. Falam Le Hakha hlan ah CHIN a um hmasa ve. ZRA, MDF, ZO, MIZO, etc hna hi cu CHIN tefa tu pei si cu. Zeidah buailen awk cu aum. Buai pi tlak zong asi lo mi. Chin ah buai cang ko sihu.

Hakha – Thantlang karlak tiang Divide & Rule Revival a tlung. Evangelist nu ruangah cun asi maw? Artipum Chung um alaimu le a hang khi Hakha le Thantlang cu asi. Then khawh lomi asi. Nan then ahcun Arti a kuai lai. Arti meh kan timi hi Ahang Le a laimu cawh in chummi asi. Pastorpa nih mipem biafang a hmang. Mipem biafang le Mipem theory ruangah Hakha Lung Biakinn aa thencheuh dih zong kha tuak chih awk. Tleicia Stephen Ni Kio zong Rangoon aa thial bak ve.

Pengtlang thlarau thangphawt nak Le Revival a tlung ciamco. Chin ah pumkhat Sinak hnursuan Hram hlahseh. Pengtlang le an khuate kip ah Ralhrang Rallokap uknak atla I CDF Ralkap uknak a laarthan. Rallokap muisam Le cawlcangh nak he khuami Le khuami cu CDF nih an uk hna. Mipi cu rallokap zong tih, CDF zong tih in nithla an rel. Federal in kalpi ding mi CDF nih mipi lam an tlaupi hna.

Democracy hmanh ah Rule of law aum. Federal ah khuasa ko mi CDF nih Upadi CUNG ah um hi KAN CEM RORI LAIMI. CONLO LAIPA SI NAWN LO KEM. Upadi CUNG um in khuasa hi Khuachia Satan MAH Le Rallokap ziaza Le kokek sining asi. Za rawh seh, ho pen zong kan duh lo titu mipi relcawklo kan si thlang. Apoinasa tikem?

Thang Sui chan ah Rallokap pakhat lutter man hi 1000000 MMK asi. Rallokap cawk khawh sitilo. Rallokap nih an duahmi khua cu an hawipi Rallokap chungkhar le sahlawh Lila ansi tawn. Rallokap karlak ah I hmuhthiam lonak Le I remh lonak atam chin chin. Ahnu ah mah Le mah I thatnawn duh dawh ansi. Rallokap nih kan baa tuk rawh, uicopa MAH hi thih cang rawhseh, atitu an tlawm tilo.

MAH Le Rallokap bawizik rual Le luban khualtlawn Le lenvah poah ah menghra kulh Chung security lak Le sentry cawngh nih an kan sim tuk cang meisei an ti. An mawh hrim lo. Pilot pa lawng siloin, Pu Thang Sui that khawhtu hi NUG nih singkhaw ve rawhseh. Achan cu Pu Thang Sui athih ahcun MAH Le Rallokap an dih bak ve. Kanram Le kan miphun Adam tuan lai. Zion khua Le runrep lo Inn tluncan aanai deuh saumau ve hnga? Hruhru Hranghrang Pengtlang CDF uknak zong a tlau tuan ve hnga???

By- Zingtincuai Cinzah

Be First to Comment

Leave a Reply

Your email address will not be published.