Hakha A Rak Panh SAC Ralkap Hna An Thawngpang A Hnubik Update

Ralhrang motor rual cu Zahan an riahnak in Ramthlo khua lei ah an hei i thawh cang..

5 April, Ramthlo khua phak lai a riakmi UC update; Nihin zingka ralhrang riahnak kiangkap lei in Bom oikhat a puak.

Nizan Langta nih kan ralkap a kah, hel len hna lio ah meithal te in heh tiah kan ralkap nih langta cu an kan sek len ve tiah kan theih.

Ralhrang le an motor pawl Ramthlo khua lei an i thawh tikah update ka hun tuah tthan te lai. Credit: Salai William Hlawnceu

Relchap; PU ZING CUNG CNF IN I DIN CANG. Laimi/Chinmi 100%100 nih dothlennak caah CNF/A thazang an pek i phaisa $ million tamtuk kum 2 chung thawh a si cang. Nan si khawh chung in hriam nan i zalh sek ve ko, ralkap 5000 kan ngei cang nan ti fawn, hriam 3000 tluk kan pek khawh cang nan ti rih.

Kachin ram ah raltuk nan cawnter mi a thong in an um cang nan ti rih, drone le hriam tha tampi kum 2 chung ah nan i zalh len ve fawn ko. Zeicadah uico rual 150 tluk hrawng lawng a si mi Chin State rak kai mi cu nan rak kham khawh rumro hnga lo?

Pu Zing Cung nangmah mawh a si rak i din law CNF/A hi an thawngdeuh hnga lo maw? CNF ah kum 35 ka um cang ti tuah hlah kum 35 chung ah zeidah na tuah khawh mi a um? Na ralkap pawl hi zaam training maw na pek tawn hna? Zaam lo cu zeidah nan thiam mi a um ti?

Nan hawi YDF le PDF Kalay hrawng cu jet fighter le helicopter nih a zelh in a zelh hna zong ah an pasal zia khi na hmu lo maw? CNF in dinh na duh lo ah cun CNA hi CDF ah luhpi law na min a tha deuh cang hna lo maw?

Uico nih uknak an lak kum 2 chung ah khawika uico camp pakhat tal nan lak khawh mi a um cang maw? CNA training na pek ning hna hi zaam ding in maw training na pek tawn hna? Pu Zing Cung uico pawl hi khuabu tarh in kan tarh piak tuah hlah a hran lam na hran ter hna i inn tamtuk an kan khangh piak cang hi. YDF, PDF le KNLA nih khin zei hlei dah an ngei a um i an thawn khun hnga?

CNA 300 ralkap hrawng le CDF vialte bawmh nan hal rih i minung 400 in 500 kar nih nan ngei mi hriamnam tha bik in uico a rak kai mi cu hmunhma remnak bikbik in nan rak i bawh ko. Uico 150 hmanh tling lo mi le hriam thatha motor 30 khat in an i phurh i hi tal cu kan chuh ve hna awk a si ti tal in training hi na pe thiam hna lo maw?

Uico motor 100 a si lo, uico ralkap 300 in 400 kar an si fawn lo, 100 in 150 kar uico lawng an si. Khuafo ngaihchiatnak he pehpar in vawleicung killi um Chin mi nih kan mit le kan thinlung in mahka tal ah hin cun teirul an kan champiak lai tiin mithram cat deng in dawh ruahchannak he kan in zoh hna. Pu Zing Cung, uico 150 rumro lakah nan zaam peng mi hi mipi thinlung nan zor ter tuk lai lo maw?

$25 million Nation Building caah nan tuk mi hi a hnursuang lai lo tiah maw nan ruah? Nu hnichia kha i fenh law CNF in rak i din cang ding in kan nawl! Mino mi raltha le mifim an tampi ko caah nanmah bantuk nih CNF nan hruai peng ko ah cun kum 35 chung i phichuak kan hmuh lo bantuk in kan hmuh lai hi zumh a har cang lai e.

CNF/A cu Laimi/Chin mi a si mi nih cun kan tan dih ko hi, asinain kan thin kan i sum kho ti lo caah dawtnak le zawnruahnak he hi bia hi hmailei CNF/A a kal khawh chinchin nak ding ah kan chim mi a si. Pu Zing Cung kum 35 CNF na hruai chung ah raltuk nan duh lo kan hmuh, CDF nih an thok caah mipi hmaikhahlo ah nan i tel ve ceo khi a si ko khah.

Ni hin tiang ah CNA nih uico camp an lak mi pakhat zong kan hmu rih lo. Lungler, Surkhua le hmundang an lak mi khi CDF lawng te an si kha kan hngalh cio mi a si ko cu teh. Thantlang uico camp zong khi ni hin tiang kah nan duh lo nain CDF-Thantlang nih an duh i an kah hna caah nan bawmh mi hna ceo a si ko lo maw?

Pu Zing Cung kan hua hrimhrim lo pumpak in CNF/A cu Chin mi a bik in Laimi nih cun a tanh lo kan um lo, asinain, a phi zeihmanh nan chuahpi khawh mi a um lo caah rak i din law na sushi dawr te kha rak tuan cang ding in kan in nawl ko. Uico motor 30 le uico 150 minung nan kham khawh lo mi cu a celh hi kan celh lo.

CNF/A a chansau in dam ko seh! Chin mipi lung i rual ko usih! CNF/A Kan leader pawl zong i thleng cang hna seh, ti hi kan sa duh thah cu a si ko. Credit: Cung T Lian