Press "Enter" to skip to content

Hakha Ah Bomh Puak Thawng A Thang ee A Poi Taktak,Minung Tampi Zong An Tlaih Hna ee

Nihin January 5 zan muika ah Hakha Ralkap Battalion 266 nih bomb voihnih an puah tiah theih a si. “Zaan suimilam 7:30 ah voikhat a puak, 8:03pm ah voikhat dang a puak than. Battalion 266 in a langhlat kahnak bomb in puah mi a lo. Zei ruangah dah an puah cu kan thei rih lo,” tiah Hakha khua mi pakhat nih The Chin Post ah a chim.

Nihin chun zong ah ralhrang phu nih lam aa chawk mi checkhlatnak le cycle/motor license check-nak an ngei, tiah kan theih. “Zinglei suimilam 11:00 tiang hrawng ah ralhrang nih minung 20 hrawng cu an tlaih cang hna, chunhnu deuh i an tlaih mi zong an um rih caah, tlaih a tong mi zeizat an si fianghlang tein theih a si rih lo,” tiah mit hmutu pakhat nih The Chin Post ah a chim.

Tlaih a tong mi hna chung in cheukhat cu an thlah than hna, tiah a chim chap. “Hmunthum ah checkhlatnak hi an ngei; hmunkhat ah Cycle license um le um lo an check, a hmunhnihnak ah license nung le nung lo an check, a hmunthumnak ah phone zong an check,” tiah check a tong mi pakhat nih The Chin Post ah a chim. Crd; The Chin Post

RELCHAP.  Nizan January 4 ah Chin ramkulh chung ah Matupi-CDF le ralhrang phu kar ah kahdohnak a chuak. Cu kahdohnak ah cun ralhrang phu lei ralbawi pakhat telh in ralhrang minung pathum an thi tiah Matupi-CDF nih nihin January 5 ah cathanh an chuah.

Matupi-Hakha lampi Phalai (ဖလိုင်) le Ngalai (ငလိုင်) khua kar ah ralhrang phu minung thazaang tampi he rallam a sialmi hna le Matupi-CDF kar ah, nizan zinglei suimilam 6:00 ah khan kahdohnak hi a chuak. Kaphnihkar kahdohnak cu suimilam 1 tluk hrawng an rau, tiah theih a si.

PDF lei nih ralhrang phu hna cu an nam tuk hna caah zinglei suimilam 7:00 hrawng ah cun ralhrang phu lei cu hnu an tolh than, tiah theih a si. Cu kahdohnak ah cun ralhrang phu lei ralbawi pakhat telh in minung 3 an thi, hliamhma tuar mi zong an um tiah theih a si.

Zaanlei suimilam 3:00 hrawng ah kaphnih kar kahdohnak a chuak than. Cu kahdohnak ah cun ralhrang lei a thi mi le hliamtuar kong ah fehternak a um rih lo. Nizan kahdohnak ah Matupi-CDF lei a thi mi le hliamtuar an um lo, tiah Matupi-CDF nih ca thanh an chuah. Crd; The Chin Post

Be First to Comment

Leave a Reply

Your email address will not be published.