Press "Enter" to skip to content

Hakha Ah Min Hlaing Ralkap Nih Misual An Hawipa An Velh

Tuchun 1:55 PM ah Hakha Lamton (လမ်းဆုံ) ah police pakhat nih zu rit buin meithal a puah sual caah a hawi le nih ceilak an velh hnu ah a meithal le kuan zong an chuh dih, atu hi an hrem cuahmah lio asi 🤣

Khuachung ah vah in Facang a lak in an phawt, a lami zong an um. Tarnu nih anmah theihhngan ah “lak ding asilo, zuusii hna an peihmi asi ko lai” tiin a khirh hna an ti 😬

Credit; Ram Tinthei

Ralhrang nih nawlngeihnak an laknak kumkhat a tlin ni, Feb 1, 2022, tuni ah Hakha khua chung i dawr lomi hna cu ralhrang nih hman a thlak len tiah theih a si. Cu lawng si loin bomb puah thawng cu theih a si. Hi thawng kan ṭial tiangah bomb puah thawng voi 3 theih a si cang.

Hakha khuachung silent strike ah dawr on ding, mipi i chawk lo ding le khualtlawn lo dingin ṭuanvo ngeitu hna nih January 31, nizan ah thawng an thanh. Khatlei in ralhrangbu nih February 1 silent strike ah dawr ngeitu nih dawr on dih ding le dawr a ong lo mi paohpaoh cu nan dawr kan in lak piak hna lai tiah thawng an rak thanh ve.

Hakha khuachung dawr ngeitu pakhat nih “Alphard mawṭaw a raangmi in an rak ra i mipi thuam aa hruk mi pakhat a ṭum i dawr khar mi pawl human a thlak thuahmah hna. Kanmah dawr pawng i dawr pakhat zong an khar caah an rak thlak ve.

An rak thlak hi 9:30am hrawng a si i kan dawr pawng cu dawr an on rih lo bia a si. Atu cu an on ve cang,” tiah a chim. Cun ralhrang nih dawr onmi hna cu facang an pek hna tiah theih a si. Facang cu plastic a nakmi in an fun.

Dawr ngeitu pakhat nih “Mawṭaw a raangmi in an ra, mi sawhsawh thuam an i hruk. Nu zong an i tel. Plastic in funmi facang an kan pek. Cozah nih an in bawmh hna tiah an chim. Zeidang an chim lo” tiah a chim.

Hakha khuachung ah nizan bomb voi li puah thawng theih a si. Feb 1, tuni suimilam 11:00am tiang ah bomb voi 3 theih a si cang. Khoika in an puah i khoika ah bomb a tlak cu theih a si rih lo. CDF-Hakha nih nizan ah Hakha khuachung ah kahnak a chuah khawh caah mipi nih leng chuah lo dingin cathanh an chuah.

Credit: The Chin Post

Be First to Comment

Leave a Reply

Your email address will not be published.