Hakha ah pa pakhat cu Palek le Ralkap nih an velh hnu, motor cung ah an khumh

Ani 31nak, Hakha CDM cawlcanghnak (Myanma Economic Bank le Collective office—Su-paung-zung kar) ah pa pakhat cu Palek le Ralkap nih an velh hnu, motor cung ah an khumh. ဒီကနေ့ ဟားခါးမြို့ စစ်အာဏာရှင် အလိုမရှိကြောင်း ဆန္ဒပြရာတွင် စစ်တပ်နှင် ရဲတပ်ဖွဲ့များက ပြည်သူတစ်ဦးအား ရိုက်နိုက်​ကြပြီး အချုပ်ကားထဲတွင် ဖမ်းဆီးခေါ်ဆောင်သွားခဲ့သည်။ The Hakha Times

Thawngpang dang relchap >>>>>

Ralkap Nih Minta Paing Takhon Zong Tleih Dingin An Kawl Cuahmah

Myanmar ralkap pawl nih ramchung nawlneih nak an lak hnuah thuneihnak an lak hnuah anmah dohdaltu pawl cu an tleih thluahmah hna. Mipi thihruai tu pawl cu an tleih hna i mipi zong an kah thluahmah hna, minta Lu Min zong an tleih cang.

Tu’ah minta kum 24 a si mi Paing Takhon zong tleih dingin an kawl cuahmah lio a si tiin a farnu nih a Twitter ah a tarlangh. Paing Takhon cu September 17, 1996 kum ah Myanmar, Kawthoung khua ah a chuak mi a si. 2014 kum ah model a rak lut mi a si i, actor le singer zong a ṭuan i Myanmar ramchung lawng si loin vawlei cung huap in a lar taktak mi a si. 2017 le 2020 kum ah mirang zuknung Midnight Traveler le Bad Boys 2 zuknung ah ai tel mi a si. Cun, vawlei cung huap i pa za bik mi 10th-nak ah an thim mi a si.

Myanmar ramchung buainak ah ai tel i ralkap pawl cu dohdal in lam a zawh ve, milar pakhat a si bantuk in a au nak thawng vialte cu vawlei cung khuaza ramkip um mi minung nih an rak theih dih. Curuangah cun, Myanmar ralkap nih tleih dingin an kawl cuahmah lio a si.

Tui tiang ahcun an tlai kho rih loh i, khawika ah dah a um timi zong an thei rih loh. Paing Takhon nih“Ralkap nawlneih nak cu kan dohdal mi a si. 2020 ithim nak cu kan upat lai, NLD hruaitu upa pawl nih mipi cozah thar dirh bak ko uh” tiin online chung ah a rak thlah cang.