Hakha ah ralkap duhlonak langhter in umkheng tum ruangah palek nih mi pakhat an tlaih tiah thawng theih a si. Tuni ah Hakha khuacungah Ralkap nih nawlneihnak an lak thanmi duhlonak langhternak caah umkeng an tum ruangah Pu Ci Ling kum 60 mi cu ralkap nih an theih i sakhaan ah an i kal pi tiah thawng theih a si. Hakha mino 20 hrawng nih Palek sakhaan ah cun thil sining an va hlat tikah pawngkam hngahnawhnak nan pek hna caah kan tlaih mi a si tiah an ti i, mithen hna cu inn chungah an zaam manh hna tiah thawng theih a si.
Umkheng tum cu buaibainak aa tel lomi a si, Yangon le khuapi dang ah zalawng tein kan tum cio ko, palek nih tlaih a um bak lo. Nain, kan Hakha le Thantlang ah cun palek nih umkheng tumtu pawl an dawi len hna ti a si.
Keihsih sang ummi Pu Ci Ling(kum 60) cu an tlaih i Hakha sakhan ah an kalpi. A mak ngai. Ralkap nih nawl an ngeih hnu cun palek pawl zong an lor, mipi zei an rel ti lo. Chan hlun ah kan kir than thluahmah ko rua. 4 February 2021 zaan cu thlang Ralkap uknak duh lonak langhter ding in Thantlang lei mi zei mawzat zong timh asi nain Palek pakhat nih tuah hna hlahseh, an tuah ahcun tlaih an si lai i Kalay ah kuat an si lai tiah thawng aa kan thanh tiin khua mi nih an chim caah aa let mi an um.
Thang ah ralkap duh lonak um bel tummi mino palek nih hro phun in an chuah hnawh hna. Asinain ralkap uknak doh ding in um bel tumding cu kei ka timh cang mi asi caah ka lennak in ka rak tin i inn pa pahnih khat nih anrak tum cio hna. Ka chung le zong a ngakchia bik in upa bik tiang an rak tum ve. Ka um lo kar asi caah photo kan dangh kho hna lo. Ka rak lawi hnu ah keimah lawng bak sum phomh in ka phomh ko. Zan khuadei ka tum lai ka tinain ka fanu aa thang sual lai phan ah caan tawi te ka phomh taktak ko.
Thantlang hi kan ral maw achia hawi dang kan tluk hna lo maw asi. Kan khur anuar tuk tawn. Zohchun tlak in hmai asa peng ding tu kan si i tutan duh lonak langhter cu atlai lei kan si ko rua.
Be First to Comment