Hakha ah tlaih ding in nawl an chuah mi hi minung 7 an si cang

Dr. Sharon Par (Assistant Director, Health and Sports, Chin State) le Dawt Sui@Milley Sui (Siangcachim) cu phungrelnak caang 505 (a) in tlaih ding tiah Ralkap nih thanh. Hakha ah tlaih ding in nawl an chuah mi hi minung 7 an si cang. Pa minung 5 le nu minung 2 an si. Atu tiang an tlaih khawh mi an um rih lo tiah kan theih. The Hakha Times

Thawngpang dang relchap >>>>>>

Ralkap Nih CRPH Cu Phung Kalh Bu A Si Tiah Ca Thanh A Chuah
=====================================================================

Myanmar ralkap nihcun thimnak ah a tling Hlawdaw palai CRPH cu phung kalh bu a si tiah ca a chuah. Phung kalh a si ti’n ca thanhnak ah CRPH cu rampi buaitertu,mipi buaitertu le thil hnahnok men an si timi zong hmuh khawh a si.

CRPH cu Myanmar ralkap nih phung ning lo in nawl ngeihnak an lak hnu ah 2020 rampi thimnak ah tei nak a hmu mi hna mipi nih thimmi MP pawl nih dirhmi hlawtdaw bu an si. Ralkap cozah dodal tu bu an si i an caah UN palai caah Dr.Sasa an thim.Cu lawng si lo in CRPH nihcun Daw Sung San Suh Kyi cu kum 5 chung rampi ruahnak pe tu rian peh rih dingin nawl an chuah cang i, ralkap nih rampi ruahnak pe tu Daw Aung San Suh Kyi zuung cu February thla an rak hrawh piak dih.

Ralkap ca thanh chuah mi cu ” phung kalh in dirhmi CRPH le chungtel za te rampi phung onh lo rampi daihnak buaitertu le mipi fahnak pe tu an si tiah kan pom. Cu ruangah CRPH cu phungkalh in dirhmi bu a si tiah mipi kan in theihterhna ” tiah an tial.

CRPH zong nih ralkap cu phung kalh cozah,mipi pom lo mi ramleng nih pom lo mi,ralhrang bi an tiah tiah a rak thanh ve cang.