Hakha Junction Guest House ah Minung 5 an Tlaih Hna

Hakha Junction Guest House ah Minung 5 an Tlaih Hna
————–
Hakha Junction Guest House ah ralkap le palik nih an luh hnawh i minung 5 an tlaih hna, tiah kan theih. Guest House ngeitu nih, “Kei hmun dang ah ka um lio a si i, a buai tuk rak ra hlah an ka ti. Guest House rianttuantu cu an tlai hna lo,” tiah a chim.

An tlaihmi hna hi Hakha Town dawr rianttuantu nu pathum le Guest House ah Wifi hman ding in a rak rami Chunchung khuami nu pahnih an si. Hakha Lansone ah banluang a chiami mino pawl palik le ralkap nih tlaih ding in an dawi hna i, Junction Guest House ah an i dup rua tiah an ruah caah an vung luh hnawh hi a si. The Chin Journal

thawngpang dang relchap >>>>>>

Chin Miphun Vialte Chinram Le Miphun Caah A Ran Nak In Raltho Dingin Kan In Sawm Hna

Chin/lai pa kum 50 tang lei vialte le CNA ralkap hlun a nung rihmi nan zapi (MAH)Kawlralkap vadoh than ding le kawlram pumpi Federal Democracy uknak a si thai nak ding ah kan sawm hna. Atu kawlram hi Civil war timi rampumpi ral a tho cang mi asi.Ral a tho ruang ah (Kingless) uktu umlomi le phungphai zulh awk le dundan a um ti lo mi hi Ram chung raltho cang timi ( sign) a si cang.Rampi le cozah ( sovereignty power) a ngei tilo mi cu fir, thahnawn le sualnak phunkip a khor a si cang caah, cucu Kingless/ uktu le zulhphung le dundan a ngei tilo mi killing field ( thahnawn nak)hmun hma ah a can cang.

Mitha ti lo misual ti lo, an hmuh mi civil minung poh meithal akengmi Damiah, mifir MAH le firbu hna long nih an duh poh in mi an thah, an fir mi hi ( crime against Humanity) tiah mi rang holh in an ti i,hihi Chin mi le kawlram chung minung a lung a fim mi poh nih zoh sawh sawh an tha hrimhrim ti lo.

Politics ( ramkhel) kong lei vun cuan than ahcun Chin mi le Kawlram chung Tlangcung mi vialte nih mah mipi ral hi, a teining thiam i zuam in, Tlangcung mi State cio nih mah le duhmi Ram uk nak system kha i lak kho cio ding ah, caan tha ah hmang thiam ding caan tha( opportunity) hrimhrim asi.Mah bantuk can lio ah, Kawl he i komh than duh nak le kawl he i hawikom than nak te hna kha hrial ding hrimhrim asi cang.

Chin miphun asimi khuapi min bunh pawl, Tidim, Tawngzam, Falam, Halkha, Thantlang, Mitupi, Mindat, Kampalet le Palet wah etc khuamin bunh Chin mi phun vialte zong, mah khua min bunh nih aa ngeih mi atinco vo( Rights) kha a tu hin tuaktan thiam cio ding asi.Cucaah Chin minung kum 18-50 karlak pa pohpoh nih cun Chin ram le Chin miphun caah MAH ralhrang le kawl lubo uknak tang in a zungzal kan luat khawh nak caah raltho cang uh si tiah a voi hnih nak kan sawm dih hna. Laknak:Zahung Mang