Hi Ti Bantuk In Chinmi Nih Pasaltha Kan Sungh Than Hi Cu Lung A Fak Tuk Rilmal Ee!

Mindat-Matupi Kar Lampi Kahdohnak Ah CDF-Matupi Brigade 1 In Salai Tung Mang A Nunnak A Liam! Chin ramkulh, Mindat-Matupi karlak lamah January 27 le 28 ah ralhrang le CDF-Matupi karlak kahdohnak a chuak i CDF-Matupi Brigade 1 in sianghleirun a kai lio mi Salai Tung Mang cu a nunnak a liam, tiah Salai Tung Mang hawikom pakhat nih a chim.

Salai Tung Man cu 2021 March thla ah ralhrang nih an rak tlaih i a luat ṭhan hnu ah CDF-Matupi ah a lut i kahdohnak pohpoh ah aa tel ve mi a si, tiah theih a si. Credit; The Chin Post

Falam Ah Tlaihmi CDM Nu 3 An Thlah Tthan Hna!; Chinram, Falam khua ah CDM tuahtu nu pathum ralhrang nih an tlaih mi hna cu January 28 zing sml 11:00 ah an thlah ṭhan hna i a dang pali tu cu an thlah rih hna lo, tiah theih asi. Atutan an thlah ṭhanmi hna 3 lakah pahnih hi Education Department in an si i, a dang pakhat hi Pehtlaihnak lei zung in CDM tuahmi hna ansi.

“Nihin ah tlaih mi pathum cu an chuah cang hna, biahal ding a um ti lo caah an thlah hna, a dang 4 zong hal ding mi an hal khawh hna in thlah ding an ti,” tiah Falam khua mi pakhat nih a chim. Falam CDMers 7 hna hi January 25 ah ralhrang nih an inn ah luhhnawh in an tlaih mi hna an si.

Nihin January 28, Mon Ramkulh Kahdohnak Thawng; Mon ramkulh, Kyaikhto peng, Yangon-Mawlamyaing kar motor lam ah a um mi Theinzayet lam pial ah ralhrang nih checkhlatnak an tuah mi gate pakhat cu KNLA nih nihin January 28 chunhnu suimilam 2:00 hrawng ah hriamngan in an kah hna i ralhrang le palek zeimawzat an thi. Ralhrang nih meithal ruahdap in an kah ve caah minung pathum an khen hna i pakhat a thi, tiah theih a si. “Checkhlatnak gate ah hriamngan pahnih a tla.

Ralhrang a thi mi zong an tam lai, tiah zumh a si. Kan theih khawh tawk ah ralkap pathum le palek pahnih an thi. An ruahdap piin an kan kah ve caah kanmah lei minung 3 an khen i, pakhat a thi. A thi mi hi Mupalin(မုပ္ပလင်) ah nupi a ngei i chikhat a rak tlung ta mi a si. Amin cu Ko Aung Myo Htet a si,” tiah khua mi pakhat nih a chim. Kyaikhto peng chung ah KNLA le mipi vengtu ralkap i bawm in ralhrang pawl cu pehzulh in an kah hna, tiah theih a si.

KuatKine Khuapi Pawngah Ralhrang Le Kokang Ralkap Karlak Ah Kahdohnak A Chuak; Shan ramkulh chaklei KuatKine (ကွက်ခိုင်) khuapi pawngah Kone Sa Kachin ( ကုန်းဆာ ကချင် ) khua le Panse Palawng (ပန် ေဆးပ ေလာင်) khua karlak ah ralhrang le Kokang MNDAA hna cu January 27, zanlei Sml 4:00 in 5:00 tiang kaphnih hmaitonh kahdohnak a chuak, tiah khua mi hna sin in theih a si. Ralhrang le Kokang MNDAA rakap hna cu Panse Palawng (ပန် ေဆး ပ ေလာင်) le Konesa Kachin (ကုန်းဆာ ကချင်) khua karlak ah kahdohnak a um i ralhrang pawl nih zan ah hriamngan le hriamhme he an kah hna, tiah KuatKine khua leng ah a um mi pakhat nih a chim.

“Meithal thawng cu naih tein kan theih nain khawika lei ah a si ka thei lo. Ka Hliang(ကာလိုင်) lei a si tiah ka ruah nain a si lo. Konesa le Panse karlak ah a rak si. Hriamngan le hriamhme he Sml 4:00 thawk in kan theih. KuatKine chaklei ralhrang phu nih hriamngan in kah an rak bomh thawng zong kan theih. Khualeng lei in a hlat pah caah hriamhme thawng cu theih bantuk theih lo bantuk in kan fiang tuk lo.”

Kahdohnak ruangah khua mi cheukhat cu khor chung ah an i dor . A hliam mi an um le um lo tu cu kan thei kho rih lo, tiah min langhter a duh lo mi pakhat nih a chim. KuatKine peng chung ah ralhrang le a kuttang Pyo Saw Htee, TNLA, MNDAA, KIA, PDF phu fonh hna an cawlcanghnak hmun a si caah Tlang cung hriamtlai bu le ralhrang karlak ah atu le tu kahdohnak a chuak, tiah theih a si. DVB

Kyauk Rit( ေကျာက်ရစ်)Palik Sakhan In Chuak Mi Ralhrang Cu Bomb I Lamh! ; Sagaing ramṭhen, Myiang peng, Kyauk Rit( ေကျာက်ရစ်) sakhan in a rak chuak mi ralhrang pawl cu bomh an i lamh i ralhrang 4 cu an thi colh, midang 20 leng hliam an tuar, tiah Myiang peng mizapi vengtu ralkap phu hna nih January 28 ah cathanh an chuah. Kyauk Rit palik sakhan in a rak chuak mi ralhrang thazaang 50 leng cu Myaing peng Tamase Kaan(တမေဆးကန်) khua ah zaan an riah hnu in an chuak ṭhan i mizapi vengtu ralkap phu hna nih bomb 3 in an doh hna.

Hliamfak a tuar mi ralhrang hna cu a pawngkam khua ah an thlop hna i, a thi mi hna an ruak cu khua pawng ah an phum hna, tiah theih a si. Cu kahdohnak cu Myaung Special People’s Defense Force(MSDPF), 27 Revalotion Force(Min Chan)(မြင်းခြံ ), Myaung Generation Guerilla Force (MGGF) hna nih i bawm in an tuah mi a si, tiah theih a si. Atu bantuk kahdohnak ah kan hman mi bomb hna hi mizapi nih nan pekchanh mi bomb hna an si, tiah mizapi vengtu ralkap hna nih cathanh an chuah. Crd; The Chin Post