Press "Enter" to skip to content

Hleidonh ah ummi palik sakhan cu a ho si theihlo mi phu nih an rak kahdoh hna caah

Mon ramkulh, Kyaitmayaw (ကျိုက်မရော) peng Chawng Hnakhuah (ချောင်းနှစ်ခွ)hleidonh ah umhmun khuar mi SAC kuttang BGF hna cu nihin April 16 zinglei ah a ho si theihlo mi phu nih an kahdoh hna caah BGF 5 an thi tiah theih a si. ”BGF sakhan kahdoh an tong, minung 5 an thi, a tu tiangah cun cu hleidonh cu an phih chung” tiah tualchung mi nih an chim.

”Thil canning dikthlir cu fiang in theih a si lo, nihin zinglei suimilam 6:30 hrawngah kahdohnak a chuak i BGF 5 an thi, an ruak cu thlaan hmunah kalpi an si” tiah Chawng Hnakhuah(ချောင်းနှစ်ခွ) mi bawmchantu phu chungtel pakhat nih a chim. A luancia March 19, ni zong ah cu Chawng Hnakhuah (ချောင်းနှစ်ခွ) hleidonh ah ummi palik sakhan cu a ho si theihlo mi phu nih an rak kahdoh hna caah palik pakhat a thi i, palik 2 nih hliamhma an rak tuar tiah theih a si. Credit; The Chin Post

Relchap; HTPHC Nih Tinam Inn Kang le Ralzam Khua 14 Bawmhnak Pek. Hakha Township Public Health Care& IDPs Management Committee nih SAC ralkap nih inn an khanghmi Tinam khua le ralzam khua 14 sin ah din-ei awk bawmhchanhnak an pek hna tiah theih asi. Eidin bawmhnak an pekmi hna cu Facang tun 207, Chiti cuai 214, Cite bag- 1449, Pe cuai 321 , Nga dur 214 ,

Culsium thoh 107 le innkang bawmhnak phaisa zeimawzat an bawmh hna tiah theih asi. March 17 thok in March 31 tiang Hakha in Gangaw lei a ttum mi SAC ralkap hna cu CDF-Hakha le CNA nih lampi ah ni 15 chung an kah hna i 40 an thi, Hakha le Gangaw tlawnlam a ummi khua hna cu a himnak hmun ah an zaam hna i March 28 ahkhan SAC ralkap nih Tinam khua inn 9 an rak khangh ,

Cu inn khangh piak a tongmi Tinam khua le ralzam khua 14 ah a tu bantuk in Hakha Township Public Health Care & IDPs Management Committee bawmhnak an va pek hna hi asi. Hakha Township Public Health Care& IDPs Management Committee cu 2021 ,June 21 ah Hakha Christian Minister Fellowship (HCMF) le HBA thluachuah hal thlacam piak nak in Hakha pengchung Covid mizaw zohkhenhnak, le ralzam zohkhenhtu ah rak dirhmi a si. TCP

Be First to Comment

Leave a Reply

Your email address will not be published.