Press "Enter" to skip to content

Hmaw Bi Vanlawng Sakhan Ah Vanlawng (1) Ah Dollar Million (15) Man Yak-130 Raltuknak Cu Bomb An Puah I, Pakhat Cu A Puak, A Dang Pakhat Zong A Rawk

!
Yangon ramthen Hmaw Bi vanlawng sakhan ah Yak-130 raltuknak vanlawng pahnih bomb an puah i, pakhat cu a puak i, a dang pakhat bel bomb puahnak nih a khenh caah Yida system a rawk tiah ralhrang ralkap lei nih an chim.Febuary 18 zaan sml 11:40 ah People’s Force Yangon nih Hmaw Bi vanlawng sakhan ah a ummi tlangcungmi cungah atu le atu bomb a thlaktu raltuknak vanlawng umnak cu luhhnawh in bomb an chiah i, lamhlat in control hratin an puah hnawh caah vanlawng pahnih an rawk tiah theih a si.

Yak 130 raltuknak vanlawng 1802 i Drop Tank ah bomb pakhat le Paung 250 ritmi bomb ah lamhlat in puah khawhnak bomb cu bunh chih hratin an puah tiah theih a si.Bomb puahnak ruangah Yak 130 1802 raltuknak vanlawng cu a rawk dih cikcek i, a dang Yak 130 1802 zong Yida System a rawk tiah theih a si.
Yak 130 raltuknak vanlawng hna cu Russia ssrchuahmi an si i, pakhat ah American Dollar million 15 bak an si i, Kawlram ah Yak 130 raltuknak vanlawng 18 a um tiah thawng theih a si.

Yak 130 raltuknak vanlawng hi tlangcungmi umnak ah bomb puahnak ah SAC ralhrang nih an hman hna i, Yak 130 hna cu Min Aung Hlaing tuan caan chungah order kho dingin kum 2015 ah khan hnatlaknak minsen an rak thut cang i, Kum 2017 ah a vawikhatnak ah pathum (3) an rak phan hna i, cuhnuah kum 2021 December thla chungah Yak 130 raltuknak vanlawng cu (18) bak Kawlram ah an rak phan tiah theih a si.

Monywa Ah Raltuknak Vanlawng Sakhan Cu PDF Fonhmi Phu Nih Shawh Taih Dung (ရှော့တိုက်ဒုံး) 6 Bakin An Kah!Sagaing ramthen Munywa khuapi ah a ummi SAC ralhrang ralkap i raltuknak vanlawng sakhan cu PDF fonhmi phu nih Shawh Taih Dung (6) bakin kan kah tiah Febuary 19 ah Freedom Revolution Force nih cathanh an chuah.

Febuary 18 zaan sml 6:20 ah Freedom Revolution Force-FRF phu telh in KG le Bo Lin Yung phu hna i fonhin 107mm Shawh Taih Dung (6) bakin an kah tiah theih a si.Kahdohnak ruangah SAC ralhrang ralkap raltuknak vanlawng sakhan rawhralnak kong he pehtlai in cathanh an chuahmi ahcun an langhtermi a um lo.Kahdohnak an tuah hnuah PDF fonhmi phu leikap ah hliam tuarmi umloin an i zukphiak kho tiah theih a si.

Be First to Comment

Leave a Reply

Your email address will not be published.