Hngalh Ko Buin Kan I Khamh Khawh Lomi Hi A Poicem Mi Cu Asi

Hngalh Ko Buin Kan I Khamh Khawh Lomi Hi A Poicem Mi Cu Asi. Kawl Ralhrang Nih Chinland cu Anawratha Operation in an kan rathnawh mi asi.

Anawratha Raldohnak cu Buda pathian nih Chin ral an kan dohpi caah Krifa ram cu kan tei hrim lai I Kawl le Buda biaknak nih Zungzal Uk ding mi Krifa ram Chin asilai tinak asi.

Cucaah Krifabu nih raldohnak caah phaisa thawh ve uh kan ti fam cu. Anawratha Buda Raldohnak amuru cu hmuhmi paoh thah, meiduah, fir dih, I lak dih, Ralhrang MAL le Buda pathian caah nan hmai ah aummi Minung, Saram, Innlo, suingun Lungvar, hranchaw, hlawnthil, tbk poahpoah cu pakhat hman nganh lo le tantak / lanhtak lo tein thah dih, I lak dih, meiduah dih, tinak asi.

Uirual hna an hnu lei in Buda phungki rualrual tampi nih Chinland le Krifa thah dih awkah thlacam piak asi. Rallokap ratnak lampi ah aum mi Khua le mipi cu mei in duah kan si lai I thah kan si lai, tlaih le hremh kan si lai,

Ngeihchiah chawva hlawnthli suingun lungvar cu fir piak dih kan si lai ti hngalh buin kan I khumzual khawh lo I kan I khamh khawh lomi tu hi ngaihchiat a zual ter I hnakruhno a ṭam chin ko ee Laitlai Unau hna.

David Vanbik nih a ti mi cu Vawlei cungah mi Ralṭhabik mi cu Jesuh asi. Ka thih lai tiah a hngalh ko buin zam loin a intuar ko a ti. Tutan Ramthlo khua hi Miralṭha le phun U khua hrim nan si.

Uirual nih kan khua an duah ko lai ti hngalh buin Lungrawn le Runreplo Runn Inn zamtak loin nan intuar mi hi cu nan mak hrinhran ko.

Chin Paṭhawng le Pacak Pu Liandang fanau nih Laihlum khua kilven aa hngalh nak asi. Rev. Dr. David Vanbik Bia Roling pakhat cu Zu um lonak ah Zudin lo cu Zu dinlo asilo. Zu umnak bakah zu dinlo kha zu dinlo taktak asi a ti.

Raldohnak hmun ah um loin alang tlangin nan ralchia ee Uirual thah dih uhlaw tiah au hmang hna le alang tlang lawngin thazang pek lengmang, Asikhawh lomi biakamnak pek hmang NUG upa nakin let 100% a ralṭha deuh mi Cenghrang khua nan si caah kan in upat khun hna.

Falam Hakha lamthluan ummi Hlawnceu khua vialte le Uirual duahmi chin khua vialte hi capar in Ramthlo khua bangin upat Hmaizahnak pek buin nan ngaihchiatnak kan in hrawm pi hna.

Nan Innlo cu Miphun le ram caah ciamh dih mi cu chin tuanbia ah chimrel a dai ti lailo, akalcia ram dawtu hna he phai ṭi asilai.

Ramthlo Pacak Lian Dang tuanbia nakin tuanbia Cungnung deuh nan ṭial cang. Upat tlak nan si hrim ko.
Kan miphun le kan ram khumzual awkah zumhtu hna le Phuntungtu hna thawhmi Dollar cu CBCUSA Upa hna nih an vaivuan hram cu teh, zeitindah thih lo le innlo ciamh loin cun kan um khe laa.

NUG nih khumzual loin le khumzual nak thilri le dollar bawmh loin an kan um fam cu teh, ziah kan thih lai lo I kan innlo mei ah a ciamh lailo.

Kawlram hmunkip ah NUG nih raldoh loin CNA/CDF/CNDF tbk lawng tein Ralhrang kan doh fam cu ziah kan tei hna lai le.

NUG nih Kawlte umnak kipah Chin bangin raldoh ve hna sehcah, Chinland ah hi zat Uirual hi akai awk an um lai lo I Khuafo kha Jet fighter in a kah lo khawh mi asi cu.

Mi sakah ciami a lutar awkah maw nan bawh peng lai NUG le Dr te??? Chin Mino thisen le nunnak in maw nan LAL zungzal lai.

Chin Innlo tampi mei ah a ciamh nakin maw Sunparnak hmuh nan duh peng ko lai. Tlawmte tal bawmh le khumzual nan kan timh lo maw Chinland hi NUG Upa hna. By- Joseph R Thang