Press "Enter" to skip to content

Hramhram In Kawlram Mipi Nun Nak Kan La Loh

Tuchun Kawlram pumpi huap in ralkap cozah um nak kan duh lo tiah sandahpiahtu hna chungin minung 479 hna cu tlaih khih an tong tiah theih a si.mah hi tuchun nikhat lawng bak ah a cang mithil a si.mah an tlaih mi hna la ah minung 183 hna cu Nu lawng te an si i,a dang minung 479 hna cu Pa lawng te an si tiah kan theih.

A bik in tuchun ah an tlaih mi hna hi Yangon khuapi chung le Monywa le Mandalay khuapi chungah an tam deuh hna cu tlaih mi hna an si.Mipi sandahpiahtu hna chungin a tlaitu hna ralkap lei ah hin Palek le ralkap lawng si lo in Civil uniform ai hrawk in mi a tlaih mi hna tampi an um.cun Mipi nih an mah ralkap lei a dirkamhtu civil zei maw zat zong tlaih ve an si tiah kan theih fawn.

Cun sandahpiahtu hna tlaih a tong mi hna hi Mipi hruaitu hna Lutlai lei Leader lawng te an si deuh.an tlaih ning hna hi Mipi sin an i cawh lio ah Ralkap le Palek nih an rak i ngiat cang hna hnu ah tlaih mi an si.Mipi tlaih a tongmi hna konghe pehtlai in ralkap lei nih an chim mi cu tlaih a tongmi paoh cu hrem an si lai pin ah biahalnak le biakam nek tuah ter an si lai tiah tikhalin TV in thawngthanhnak a tuah.

Ralkap nih mipi sin ah a chim langh nak ah cun Kawlram khuapi chung hmun 13 ah cun Mipi nih ningcang lo in sandahpiahtu an tuah ruangah Flash bomb kan hman nak a si.Meithal kuan fang kan hman mi hi Mipi nun nak hramhram in lak kan duh ruangah a si lo in mipi hmunkhat ah um lo dingin Meithal cu hman a si.Mipi nih cu meithal kuan fang cu an i pah sual mi tu a si tiah fianternak ralkap nih an tuah.

Be First to Comment

Leave a Reply

Your email address will not be published.