I Ralrin Bak Ding A Ra Lai Ding Mi (CND) Chin Miphun Ni Hi Kan Tuah Zongah A Ruang Cu
February 20, 2022 Chin National Day cu ralhrang nih an uklonak khua, a bikin Thantlang peng le Victoria Camp cu hlunghlai taktak in tuah dingin forhfialnak biaka tete hmuh dingmi a um len, asi tak ahcun a tha tuk ko ka ti. Asinain khi ni khi iralrin khun a herh kho men tiah ka ruah, thihphaih lei in ruat loin.
Sungh lei a panh zuahmah cangmi ralhrang nihhin khi ni le caan khi caantha ah ai lak sual lai ti phan awk a um ngai. Japan nih Pearl Harbor a rak kah ahkhan America ralkap pawl biakinn ah an i pumh caan te thengmang Sunday 8:00 Am bak ai sel i a rak hlauh cikcek hna phun in hi ralhrang misualpa hi a vanlawng thabik bik pawl he a vun pok ve sual hnga maw?Chim duhmi cu tuah lo ding ti siloin security thatein February 22 CND tik cu chiah ah a tha lai dah.Thihphaih le cawnpiak siloin asi kho mi asi caah siaherh ah ka vun tial.Ced chalse bawi
Thawngpangdang.Rakhine ramkulh Maung Taw peng chaklei Myi Taih khua pawngah SAC ralhrang le AA karlak ah kahdohnak a chuak i, kaphnih an tuar veve tiah anmahlei thawngzamhnak pakhat DMG nih a langhter.febuary 4 zanlei sang sml 2:00 ah SAC ralhrang ခမရ ၃၅၂ nih Myi Taih khua pawngah a ummi AA umnak sakhan cu ruahlo tukin an luh caah AA leikap nih an rak kah hmasa hna i, minute 46 chung an i kap tiah theih a si.
“Kan umnak hmunah ruahlo piin an rak luh caah kannih lei gate hngaktu nih an kah hmasa hna i, cuticun minute 46 chung kahdohnak a chuak. Kahdohnak a chuah lio ahcun kanmah leikap ah gate hngaktu pakhat nunnak a liam. SAC ralhrang leikap zongah a thimi an um kho tiah” Rakhine Ralkap biachimnak nawlngeitu U Khine Tuh Khah nih DMG ah a chim.SAC ralhrang nih AA umnak ah atu bantukin luhhnawhnak an tuahmi hi daihnak a umnak hmun Rakhine ramchung ah buainak chuak dingin a tuah hramhrammi a si tiah U Khine Tuh Khah nih a ruahnak a chim.
“Kahdohnak hi pehzulh a si lai, a si lai lo timi cu SAC ralhrang ralkap cawlcanghnak ah aa hngatmi a si. Anmah leikap nih pehzulh in kahdohnak an tuah i, thazaang an i chap ahcun kahdohnak a chuak than lai” tiah U Khine Tuh Khah nih a chim.SAC ralhrang le AA karlak ah kum 2020 Nov thla zarhkhatnak thawkin kahdohnak an ngol veve i, SAC ralhrang nih Rakhine ramkulh chungah AA nawlngeihnak cu phihkham dingin aa zuam cuahmah hi a si.
