Kawlram cungah tazacuai a simi Ruhingja miphun thahnawnnak kong he pehtlai in ICJ nih nihin Febuary 21 zohfelnak an tuah cang lai.Kum 2017 ah Rakhine ramkulh ah a ummi Ruhingja Muslim pawl cu Kawlram nih miphun cihmih thahnawnnak an tuah tiah Cambia ram nih ICJ ah taza a cuai.
Kum 2019 ah an rak chimphuannak ahcun ramdang pehtlaitu Daw Aung San Suu Kyi bak nih kal in Cambia ram i tazacuaimi dohkalh in chimphuannak a rak tuah.National United Government (NUG) cozah nih cun a hlan i NLD cozah nih a rak dohkalhnak vialte cu an let than dih i, UNO ah Kawlram palai simi U Kyaw Moe Htun cu Kawlram aiawhtu in tuanvo an pek.
Nawlngeihnak latu SAC ralhrang ralkap nih vawlei cung ramdang dang he pehtlaih khawhnak dingah palai U Ko Ko Hlaing, Sini sang bik Daw Thi Dar Oo hna phu cu an thlah ve hna.
Nihin tonbiaruahnak ahcun zeibantuk phu leiap nih an chim hmasa lai timi cu theihfian a si rih lo i, Kawlram aiawh in cu tonbiaruahnak ah tel kho dingin NUG cozah nih siseh nawlngeihnak latu SAC ralhrang leikap in siseh an i zuam cuahmah veve.
Mu Maoh Khuapi Ummi SAC Ralhrang 100 Tluk Kahdohnak Tuah Dingin Kalmi Cu Bomb Puah Hnawh An Tong!Mu Maoh khuapi in meng (1) tluk a hlatnak Wah Wam khua ah kahdohnak tuah dingin a kalmi SAC ralhrang ralkap hna cu tuchun sml 12:30 hrawngah lam laklawhnak hmun, Kha Nan sangah bomb puah hnawh an tong tiah theih a si.Bomb puah hnawh a tongtu SAC ralhrang ralkap 100 tluk simi cu Mu Maoh khuapi chung ummi Battalion 437 ke ralkap an si i, a thimi le hliammi zat hi theihfian a si rih lo tiah zumh tlakmi thawnglatu pakhat nih The 74 Media ah a chim.
Wah Wam leikap ah kahdohnak an rak tuah ruangah bomb in an puah hnawh hna. Bomb puah hnawhnak hmun cu Wah Wam le Kha Nan karlak ah a si i, a thimi le hliammi zat cu theihfian a si lo tiah a chim.
Kachin ramkulh Mu Maoh peng chungah atu ah hin kahdohnak a fak ngai tikah khuapi chung bazar vialte cu phih dih a si tiah midang pakhat nih a chim ve.Khuapi chung ummi dihlak nih an tih tuk caah dawr zong an hong ngam hna lo i, leng zong an chuak ngam lo tiah theih a si.
Bomb puah hnawh a tongtu SAC ralhrang ခမရ ၄၃၇ Battalion umnak sakhan hmaiah a liamcia ni ah khan mipa pahnih meithal in kah that an tong.SAC ralhrang ralkap le KIA karlak ah a liamcia (5) ah khan Mu Maoh peng chung Wah Wam khua ah an i kap ruangah Wah Wam khua telh in Lung Jia khua le Kha Nan khuami minung 1000 lengkai cu himnak hmunah an zaam.
Post Views: 337
