India Palik Commando Ralhrialmi Kawlrammi 81 An Tlaih Hna. Sagaing ramțhen, Tamu peng in India ram Manipur State, Mawre District ah ralhrialmi Kawlram mi pa lawngte 81 hna cu
India Commando palik nih January 27 ah an tlaih hna i thong an thlak hna, kum 70 leng tar 2 le kum tlinglo 9 zong an i tel tiah theih a si. #Update khawh țhan kan i zuam lai. Ref; The Chin Post
Relchap; 2023 Ah Paucan Dohthlennak Dawnkhantu Hna Part (2) Min Aung Hlaing le Kaalung. Kaalung kut ah MAH nih uknak a ap hna ti cu kut lawng in aum lai tinak asi lo.
2008 phunghrampi kha kahcham in hmang riangmang in 2023 thimhnak a tuah khawh hnu ah Tamada sinak caah asi. Kaalung cu Tamada hruaimi ram humhim tu phu ti asi. Duh Tamada nih hruai khawh mi Kaalung asi lo.
Kaalung member hna cu: Tamada: Duh Tamada 2; Amyotha Hlutdaw hotu, Pyithu Hlutdaw Hotu; Ralbawizik, Ralbawizik changtu, Humhimnak nak Vuanci, Ramdang Vuanci, Boarder Affair Vuanci, Home Affair Vuanci hna an si. Chungtel 11 an si.
Mipi kusale hi a tam bik 5 tiang lawng si khawh asi. Rallokap Kusale hi 6 in a cunglei an si zungzal nak Kaalung asi. Cucaah Tamada U Win Myint nih Kaalung meeting a kawh duh lonak cu asi.
U Win Myint nih Kaalung meeting a kawh ahcun mah le mah hri awk asi ve lai. Tutan MAH nih a kawh ding mi Kaalung cu Lakhruak Tamada tiah Ralhrang nih an ti mi U Myint Swe nih a hruai hna lai. VP2 Henry Van Ṭhio aa tel lai, adang cu MAH le Soe Win minung lawngte an si lai.
Mipi ai awh tu ah VP2 Henry Van Ṭhio cu Kaalung member asi nain telnak nawl an pek te lai lo. NLD nih Pyithu Hlutdaw Hotu an pek mi U Ṭikhunmyat cu lungtho thanuam tein aa tel lai. Amyotha Hlutdaw Hotu Mann Win Khine Thant cu Ralhrang MAH te doh tu NUG PM asi caah aa tel lai lo.
Myint Swe cu Lakhruak Tamada min an put ter ko nain, amah duhning in Kaalung hi a kal lai lo. MAH nih chakhri a tlaih I a duh poah a merh I a lam ter mi U Myint Swe asi.
Pohma 427(b) bangin Kaalung nih MAH cu Home Caretaker (Inn Hngak) Cozah tiah uknak an pek men lai. Uknak, Upadi siam nak le Biaceihnak nawl cu MAH sin ah an pek ṭhan lai. By- JRT
Be First to Comment