Press "Enter" to skip to content

India Union Home Ministry Lei Nih Kawlram Mi India Ah A Zaam Mi Cun Mizo Ram Ah A Um Mi Poh Cu An Ram Ah Khirh Dingin Bia A Vawihnih Nak An Chuah Than

Kawlram buainak kongah Hmunkip in Kan lungre a thei cio i,a phunphun in hmalaak ngeih cio a si.Kan unau Mizoram NGO’S kip le an Cozah nih cun an ram i Kan Miphun a zaam mi pawl cu kilveng dingin an Kan ti.Sihmanhselaw ,India Cozah chungin ,Union Home Ministry lei nih Kawlram mi India a zaam mi cu an ram ah khirh dingin bia vawihnih an chuah.

Mah hi kongah a lamkip in hmalaak cio a si i, nihin ah khan ,Rajasabh MP Puvena le MNF ruahnak pe tu,Pu Rosangzuala nih cun, Rajasabh ,Chairman le India Vice President ,”Mr.Venkaiah Nadu cu cu a um nak hmun,New Delhi ah Kan ram buainak kong le Kan ram in an ram India ramah a zaami hna kong cu chim ceihpinak an ngei.,”Bawipa nih an hal mi cu a tlamtlinter hram koseh.

hi kong he pehtlai in india zong nih kawlram puainak ah Min aung hlaing hih a dirpi ti a fiang,China nih Russia a dir pi mi bantuk khi asi,cu caah cun a hlei in kan chin mi kan umtonak ah kan i ralring ngai a hau, zei caah tiah miram dangah a um mi kan si i an kan rem fawn lo caah i ralring ah atha.

a tu i bia an i ceihnak ah biahkhiahnak a um rih lo nain India nih hin kawlram mipi ralzam hi a duh lo hrimhrim,Delhi ah refugee in khua a sa mi tu hi cu a pom ko hna nain a tu bantuk in mizorama h a um mi kawram mi hi zei ah a ruat hna lo tihi a fiang a ruang cu Min Aung Hlaing ruangah a zam mi ralzam hi cu a pom pi hna lo in a lang.

relchap..Hakha, Thantlang, Mindat le Kanpetlet Peng Ah Tanghra Phi Ding An Um lo.March 30 – April 9 tiang SAC nih a tuah ding mi Tanghra Examination ah Chin ram chung in Minung 3000 hmanh an tling lo, tiah theih a si. Kum dang ah cun Chinram chung in a tlawmbik 10,000 an phi peng nain tukum tu ah cun an tlawm tuk i minung 2950 lawng an phi lai, hi hmanh ah hin khuapi chung deuh lawng an si i khuate lei an i tel lo, tiah theih a si.

Chin ram chung ah hin pengkulh 9 a um i Falam, Tedim, Tonzang, Matupi le Paletwa pengkulh hna ah tanghra phi ding an um caah tanghra exam an tuah lai i, Hakha, Thantlang, Mindat le Kanpalet ah cun tanghra phi ding pakhat hmanh an um lo, tiah SAC kuttang Chin State cozah cazin ning ah theih a si.
Cazin ning ah pengkulh cio in tanghra phi ding hna cu:- Falam peng in 309, Tonzang 229, Cikha pengṭhen 208, Tedim peng 286, Matupi peng 107 le Paletwa peng in 1811 an si i, Hakha, Thantlang, Mindat le Kanpalet peng ah cun pakhat hmanh an um lo.

2019-2021 Fimcawn kum ah Chin ram in tanghra phi ding ah minung 14,000 leng nih min an pek i 10,000 leng an rak phi. Chin ram cu SAC nih uknak a laak hnu in Chin ram chung hmunkip ah SAC ralkap le Chin ralkap hna karlak ah kahdohnak faak tuk a chuah caah mizapi tampi zong ralzaam dirhmun an phan.
Chin ram cu SAC uknak duh lo in CDM tuahtu zatuak (%) a tambiknak ram a si.
Tukum 2022 fimcawnkum ah Myanmar ram pumpi in minung sing 3 fai lawng tanghra a phi ding an um.

Be First to Comment

Leave a Reply

Your email address will not be published.