Press "Enter" to skip to content

January 25 Thawng

Yee peng, Tathung (သထုံ) peng le Gyainn Saithgyi (ကြာအင်းဆိပ်ကြီး) pengchung ah ralhrang phu hna cu mizapi vengtu ralkap phu PDF le KNLA nih an doh hna caah ralhrang phu lei in minung 10 an thi i minung 12 nih hliamhma an tuar tiah mizapi vengtu ralkap phu lei nih cathanh an chuah.

Mon ramkulh, Tathung (သထုံ) peng Mukawng (မိုးကောင်း) khua le Patingyoe(ပုတိမ်ရိုး) khua kar Yangon-Mawlamyine motor lampi cung ah nihin January 25, zinglei suimilam 1:00 hrawng ah ralhrang phu hna motor cu bomb puahhnawh in doh an ton caah ralhrang phu minung 4 an thi i minung 4 nih hliamhma an tuar, tiah theih a si.

Ralhrang phu hna bomb puahhnawh in dohnak kong ah KNLA brigade 1, battalion 2 phu le PDF phufonh nih an tuah mi a si kong an chim i, hliamhma tuar um lo tein hnu an tolh kho ṭhan, tiah Tathung (သထုံ) PDF sin in theih a si. Bomb puahhnawh in doh a tong mi ralhrang phu hna nih doh an tonnak hmunhma pawngkam hrawng cu minutes 10 hrawng an duhnak hmunpoh meithal in an kahthlorh caah cuka lamkam ah a ummi inn chung in ngakchia pakhat cu a kee ah kuan nih a hliamh, tiah khua mi nih an chim.

January 24 Kayin ramkulh, Gyainn Saithgyi (ကြာအင်းဆိပ်ကြီး) peng Tagae(တဂေး) khua ah hmunhma rilonh in rallam a sialtu ralhrang phu hna cu KNLA brigade 17 nih an doh hna i ralhrang chungtel minung 2 an thi i, minung 3 nih faak ngai in hliam an tuar, tiah theih a si. Mon ramkulh, Yee peng, Yan Myo Awng sang pyusawhtee phu hruaitu Ya Sin(ရာဆင်း) cu mipi ralkap nih January 24 ah an rak fimtawl.

Pyusawhtilee phu hruaitu pakhat thihnak kong ah checkhlatnak tuah ding in a kal mi ralhrang phu hna cu bomb puahhnawh in doh an ton ṭhan caah ralhrang kuttang um palik 4 an thi i, 5 nih faak ngai in hliamhma an tuar tiah theih a si. Ralhrang bomb puahhnawh in dohnak ah hin mizapi vengtu ralkap lei hliamhma tuar um lo tein hnu an tolh kho ṭhan tiah theih a si. Crd; The Chin Post, Khit Thit Media

Be First to Comment

Leave a Reply

Your email address will not be published.