Press "Enter" to skip to content

January Thla Chung Lawngah KNU Nih Min Aung Hlaing Ralkap An Thahmi Hna An Tam Taktak

Karen National Union (KNU) Brigade 5 Phapone Pengkomh chung ah KNU Brigade 5 le ralhrang cu thlakhat/January chung ah voi 322 an i kap i ralhrang 194 an thi; 200 hrawng hliam an tuar, tiah ‘Moe-Aw’ ti mi thawngzamh nih a thanh.

Ralhrang lei a thi mi ah Duh-tatzinhmu rank pakhat ai tel, hliamtuar lakah Tatzinhmu rank pahnih an i tel. Ralhrang mawṭaw 20 an hrawhpiak hna i an hmanrua Rang 4 zong fimtawl an si.

Hi thlakhat chung kahdohnak ah KNU/KNLA in minung 3 nunnak a liam i, 12 hliamhma an tuar. Ralhrang nih hriamnam kah thlorh in an kah caah minung(civil) 5 an thi i 18 hliam an tuar. Kahdohnak thlakhat chung ah ralhrang nih Vanlawng a hman peng i vanlawng in bomb voi 14 an thlak, tiah theih a si.

Credit: The Chin Post

Hmandaw Ah Kahdohnak A Chuak, Mitlamtling Lo Pakhat Ralhrang Nih An Thah! Sagaing ramṭhen, Hmandaw khua ah nihin February 2, 2022 zinglei suimilam 10:30 hrawng ah mizapi vengtu ralkap le ralhrang karlak kahdohnak a chuak, tiah Hmandaw khua mi pakhat nih The Chin Post ah a chim.

May be an image of outdoors

Thawngpetu nih a chim ning ah cun ralhrang pawl hi Hmandaw khuachung ah tuzanlei suimilam 5:30 tiang hrawng an um i, an vok hna zong an thahpiak hna. Khuachung mizapi hi hmundang ah an zaam dih ngawt hna i, a zaam kho ve lo mi tar pakhat le mizaw pakhat le a nupi lawng khua an hngak, tiah thawngpetu nih a chim.

Kaphnih karlak kahdohnak ah a thi mi an um theih a si lo i, PDF lei in hriamngan tlaitu pakhat cu a kut ah aa khawng, tiah theih a si. Nizan Februay 1, ah khan Hmandaw khua mi mitlamtling lo pakhat cu ralhrang nih an thah, tiah thawngpetu nih The Chin Post ah a chim.

Be First to Comment

Leave a Reply

Your email address will not be published.