Kawlram le Japan hi ai daw ngai mi an lo na in an chung ril taktak in cu Rul nih ka mei an ka lamh bak cun ka cuuk cawlh hna lai tiah mi a bawh ko khi an lo ti mi kongah ka bia hmaisa ah kan rak tar bal cang.cun, UN nih Kawlram hi tuk siseh tiah biachahnak vun tuah sehlaw, Japan nih Kawlram tuk-doh dingin ai thim cawlh men lai tiah micheu nih kan ruah cio.zeicatiah Japan nih Kawlram cu a ngiat thli peng mi a si.
Atutan kawlram tualchung buaibainak konghe pehtlai in Japan chief cabinet secretary rian a t’uan cuahmah lio mi Katsunobu Kato nih cun Kawlram mipi zei sual nak nei lo mi hna cungah Kawl ralkap ralhrang hna nih an thah-nawn ning hna cu zoh sawhsawh awk an si lo,an temtuar tuk cang tiah tuchun ah a chim t’han rih.
Japan’s chief cabinet secretary Katsunobu Kato nih a chim ningah cun Tuchun tiangah Kawl ralkap hna nih hram hram in an ram uk nak a lak ni thok in a ram mipi cungah a tuahser mi, zeitindah mipi a tuahto hna ti cu chun le zan he zei tik paoh ah kan ngiat peng i record ah t’ha tein chiah dih a si.
Cun Min Aung Hlaing nih mi zei ram he dah economic cooperation & policies rian a t’uanpi ti le zeithildah pehzulh in tuah an timh ti zong kan theih dih.hi thil hi kan mah Japan lawng nih kan sersiam ding mi a si lo caah a rauh hlan ah Southeast Asian country ram hna he biachahnak kan tuah ahau cang.cu caah South Korea le Myanmar junta hna nih defence exchanges an tuah cuahmah mi zong dinhter/ makter an si cang.kan nih Japan cu kawlram mipi caah hmai ka fong cang lai tiah a chim.
Be First to Comment