Jean-Claude Van Damme Cu Movie Ai Zeih/Thla Ti Lai Lo
what is my name tiin a donghnak voikhat te i zeit ta ka duh mah cu pin cun ka din cang lai tiah a chim,cu tik ah mipi nih zei ruangah dah mah hi tlangtar hi na thim tiah interview ah an hal i a leh mi hna ca cu, hi ka tlangtar ka thim nak cu motor accident ka rak ton mi kha movie in ka ser lai i i thlak ta ka duh tiah a leh hna.
vandam tiah kan rak ti i kan mah laimi zong nih kan rak uar tuk hringhran,a tu bantuk in i dinh ai timh nak hi,a kumkhua zong a upa ruangah a si cun motor accident a ton nak ah a dam tuk lo i movie a thlak lengmang ahcun a caah tih a nung ding a si caah asi tiah an chim.
a dongh bik i a thlak ding movie cu hi tin hin a si lai,motor accident a ton lai i mah khan a lung tlau lai,a hlan i a sining kha a thei lai lo i midang nung in a nun lai,cu tik ah a tu i a thlak ding movie ah character tampi hmang in a um lai,cu caah tu hi a mah a uar pawl nih cun a thlak lai an i ngaih taktak, na ngaih ve maw.?Cdr GI NEWS
relchap…Kuanfang I Zat Lo Ruangah Siseh, Hriamnam I Tluk Lo Ruangah Siseh CDF-Kanpalet Brigate Sakhan Cu An Chuahtak!
Chin ramkulh Kanpalet peng chung hrambunh CDF-Kanpalet le SAC ralhrang ralkap karlak ah kum 2022 Febuary 7 in March 16 tiang kahdohnak a fak ngaingai i, kuanfang i zat lo ruangah Brigate sakhan cu kan chuahtak ruangmang cang tiah nihin ah cathanh an chuah.
CDF Kanpalet nih cathanh an chuahmi ahcun kum 2022 March 11 ah Kanpalet khuapi in ralhrang ralkap thazaang 200 in CDF Kanpalet sakhan umnak leiah kahdohnak an tuah caah CDF Kanpalet he Ye Laung Pan khua cunglei Pan Taung Kyaw ah an i kap i, SAC ralhrang ralkap (3) an thi i, CDF Kanpalet leikap ah hliam tuartu an um lo.
Cuhnuah ni 13 ah khan Ngung Laung khua chaklei Am Pung khua cunglei ah a ummi SAC ralhrang ralkap cu CDF Kanpalet, CDF Mindat, The Youth Force le Saw PDF hna nih ramtang ah luhhnawh in an kawl hna tikah kaphnih kahdohnak a chuak than i, ralhrang ralkap (2) an thih i, CDF Kanpalet (2) hliam an tuar. March 14 zongah khan fak taktakin kahdohnak a chuak nain ralhrang ralkap leikap ah a thimi le hliammi an um le um lo theih an si lo.
March 15 ah CDF Mindat, CDF Kanpalet, The Youth Force le Saw PDF fonhmi phu le SAC ralhrang ralkap karlak ah zinglei sml 8:00-zanlei sml 3:00 tiang kaphnih kahdohnak a fak ngaingai i, CDF Kanpalet (1) nunnak a liam i, a dang (2) nih hliam an tuar. SAC ralhrang ralkap leikap ah a thimi le hliammi zat theih a si lo. Cu kahdohnak ah Mindat hrambunh ခလရ ၂၇၄ Battalion le Kyaukhtu lamhlat kahnak sakhan in hriamngan in an kah ruangah Damahtha Khua Hlun inn (9) cu hriamngan kahmi nih a khenh caah mei nih an kaang.
CDF Kanpalet leikap ah kuanfang i zat lo ruangah siseh hriamnam i zat lo ruangah siseh khuami nih an ton dingmi harsatnak tibantuk hna ruahpiak in siseh ralhrang ralkap nih a hleihluat tukin an kan kah ruangah siseh CDF Kanpalet Brigate sakhan cu caan karlak chuahtak a si.
Cucaah ramchung ramleng nulepa hna le bawmhnak petu hna nih hriamnam thazaang, kuanfang thazaang tam deuh in nan kan bawmh/tuaktan piak nakhnga zaangfah kan in nawl hna nak cathanh kan chuah.
