Press "Enter" to skip to content

KA, KNDF nih ralhraang 20 hrawng an thah hna i a nung zong in an tlaih hna

Atangbik Ah Video Um KA, KNDF nih ralhraang 20 hrawng an thah hna i a nung zong in an tlaih hna, ralhraang motor pali zong an khangh Nihin (May 7) Karenni ramkulh, Hpruso peng hmun pakhat ah SAC ralhraang le KA, KNDF an i kap i ralhraang 20 hrawng an thi tiah Kayah Li Phu Channel ah an thanh.

KNDF lei nih ralhraang motor pali mei in an khangh i ralhraang a nung in an tlaih mi hna le hriamnam an lak mi zong video an thlah mi ah hmuh khawh a si. Video – KarenniPhu TheHakhaPost

Kei le ka saya Kyi Laimi le Khrihfa kan sinak tuanbia zoh tik ah kan duh zongah duh lo zong ah phun hnih in a kalmi cu , a lammi le lam lo mi ti kan hau ko. Thing le lung kan rak biaknak hmun in rili ral in Mirang an ra i anung Pathian kong an kan chimhnak in a nungmi Pathian a biami miphun kan hung si. America in a rami an si caah an mission thei par kan si i Baptist ti hmanh si loin ABM ti tiang in kawh kan rak si.
Hruaitu tha tampi Bawipa nih an kan pek i Lai Bible thiang tiang Rev. David Van Bik nih an kan leh piak khawhmi hi a sung lawi taktak. Kum 70 hrawng kan hung kal ah Baptist mission si loin Mission dang in a rami khrihfabu Lairam ah a hung dir ve. Mizoram in 1960 hrawng in Hlimlam nak cu, Kawlram le Thlantlang lengah a hung lut i Mizoram lei in a rami a si caah hrinthan timi hmanh cu pianthar tiah an rak ti.
Mizoram hi vairangmi hna nih Whsle Ram in Mission an rak rat hnawh hna caah Khrihfa a simi an si i Presbyterian deuh an si. Khasi ram In hlimlamnak Mizoram ah a rak lutmi cu Thlantlangpeng ah a luh tikah Baptist kal ning he aa khat tilo caah CJC timi Jesuh Khrihfabu a hung dir ve. Minung tampi nih hlimsang tiah an tih hna i rit tih ah an rak tar hna. Tampi nih an tukpi ve caah an rak tih hna zong cu an mawh ve lo.
Thiang Thlarau riantuannak ti hmanh in an ti duh lo i bianeng in Tio kap thlarau tiah an ti hna. Thiangthlarau nih dirhmi si ve caah Hruaitu tha Rev. Dr. CK Nochum cu Pathian nih a thim ve I nihin ni tiang thluachuah a pek i Thlantlang peng ahcun Baptist changtu khrihfabu ngan bik an si ve ko cang. Laimi tuanbia ah an min philh awk a tha ti lai lo. Bible sianginn tiang an vun dirh kho ve cang i GFA (Gospel For Asia) timi Bible sianginn ah BTh kum 4 ka kai.
Kum li chung taksa thlarau ah fim ka cawnnak le fim a ka chim tu cu, Believes Church an si hnuah General Bishop CK Nochum tiah an kawhmi ka Saya Kyi hi a si. GFA in Pathian mi hman le pastor ram chung ram leng ah tamp an chuak. Tutan Yangon ka. Kal ah ka va leng kho. Laksawng a ka pek i Kaa lawm taktak. Laimi caah Pathian nih Moses bantuk in a thimve mi Hruaitu pakhat Laimi Arfi a si .
Saya Kyi bia ka philh khawh lomi hna, 1. Pathian nih Israel Siangpahrang hna cu nu i an tluk zongah Siangpahrang a tuanter ko hna nain Tlangbawi cu Nu i antluk ahcun an rian in a dinh ter hna. 2. Pastor le Evangelist nu ah voikhat tluk sual khawh a si. Voi hnih a tukmi cu voi thum an phan tawn. Tluk sual si loin zia a si deuh i ka zum ti hna lo. 3. Nupi kan thit tikah hin an thatnak le an i dawhnak long thit a ngah lo.
An i dawh lo nak le chiahnak zong thitchih an hau. 4. Keimah pumpak bia aka cahmi capo ka rakchim tuk i pulpit cung ka kai i bia ka chim hlan ah an rak ni cang. ( CJC silver jubilee Farrawn khua i tuahmi ah khrihfabu kong Darama kan rak piah i Khuate khuabawi ka tuan i ka rak thiam dom rua ,, khua Bawipa tiah a ka auh thai ) “Kawi Peng Pathian nih biathli tampi an theihter ti ka hngalh.
B.Th kai liomi nih na chimmi hi founder tampi hmanh nih ka hngalh lo dingmi biathli a si. Capo Naa sum deuh lo ahcun na capo bia nih na biatak chimmi a phenh te sual lai caah Naa ralrin deuh hau. Pathian nih biathli an chimh caan poah ah ca in tial philh hlah. A neh hnuah philh khawh a si.
Minih bible ca an in hal tik hna ah hin nan theih lomi cu ka thei lo ti nan ningzak hlah uu. Kan theih lo nak nih hin Pathian bia thuh zia a langhter. Nihin ni tiang zulh Kaa zuam peng ko. Kaa lawm tuk. Saya Kyi Bishop C.K Nochum

Hika ah Video https://www.facebook.com/watch/?v=734585711250282

Be First to Comment

Leave a Reply

Your email address will not be published.