Press "Enter" to skip to content

Ka uar ngai i, ka khuaruah zong a har ngai (+Video)

Ka uar ngai i, ka khuaruah zong a har ngai
===========
Atu te kha cmPage Media nih Salai Ngun San Aung bia an halmi ka ngai. A chimmi chungah ka uar ngai i, ka khuaruah a har pahmi pakhat a um. A chimmi cu hiti hin;

CDF hi ramdang Laimi lawng nih an rak kan bawmh i, ramchung Khrihfabu nih nan kan bawmh ka thei rih lo. Kaadang cu ka hngal lo, Hakha Khrihfabu cu vok pakhat te zong nan kan zuarpiak mi atu tiang ka thei rih lo. Va si thiam sehlw, Khrihfabu kip nih nan Khrihfabu Budjet chungin CDF caah budjet kan suaipiak ve ulaw a ṭha tuk hnga.

Mah cu bia cu a uar zong ka uar ngai i, ka khuaruah zong a har pah. Mah Salai Ngun San Aung hi Norway a rak ra bal i, kan Biakinn ah kan rak i tong bal. Norway Laimi University siangngakchia pawl nih tonnak an tuah i, an kan sawm veve fawn. Mino le upa karlak zeitindah rian kan ṭuan ṭi khawh lai timi tlangtar in ceihhmainak kan ngei i, biahalnak a rak tuahmi atu tiang ka philh lo. Cu pate cu ka rak ti len cang. Biahalnak a rak tuahmi cu, ziah atu hi ṭhutdanh aa cuhmi nan lawh ṭung a rak ti. Perhkalh Thawng

Thawng dang: Irrawaddy ramthen chung ah hriamnam he minung 30 kan tlaih hna tiah ralhrang nih thawng an thanh. Irrawaddy ramthen chungah chung ah minung 30 hna cu September thla dih lai hrawng ah hriamnam he an tleih hna tiah theih a si. Tlaih a tongmi chungah cheukhat cu khuabawi zung mei khangh mi le USDP party chung tel pakhat thahnak he aa pehtlaimi an si tiah ralhrang nih an thanh.

Nawlngeihnak an lakmi duhlonak laughter ruangah Irrawaddy ramthen chung ah ralhrang an tlaih mi hna chung in tutam September thla i an tlaihmi hna hi a tam bik an si tiah BBC nih a tial.

Thawng dang: KNU Brigade (4) pawngkam ah ralhrang mi sawhsawh thilthuam he security an tuan. KNU Brigade (4) ukmi hmunhma chung khuate le a pawngkam khua cheukhat hna ah ralhrang nih October 5 ni chun ah misawhsawh thilthuam in hmunhma zohnak nak an tuah tiah khuami hna nih an chim.

Covid – 19 ruven nak sii a chun dingmi min cazin lak ding, mipi veng tu ralkap hna le CDM cozah riantuan hna an i thuhnak kawl ding ti kha an i chimter i October 4 zinglei in Pulaw peng, Thar Yar Kone khua hna cu ralhrang thazaang 50 hrawng hmunhma khuar in mipi cheukhat cu an auh hna i bia an hal hna i an kir than.

October 5 chun hrawng ah KNU ukmi hmunhma le pawngkam khua cheukhat hna cu ralhrang hna nih mi sawhsawh thil thuam in an lut, an i chawk an cawlcang i hmunhma zohfel nak hna an tuah tuiah Pulaw khua mi hna nih an chim.

September thlachung ah KNU Brigade (4) ukmi hmunhma chungah mipi ngeihmi taangka le thil dang hna cu ralhrang nih hramhram in an lak piak hna tiah KNU Centre nih a thanhmi cu Than Lwin Time nih a tial.

Thawngdang: Yaw ah a phanmi ralhrang motor cu bomb puahhnawh an tong than. Yaw hmunhma chungah a phanmi ralhrang motor 50 leng cu October 5, nizaan zaanlei suimilam 3:30 hrawngah bomb puah in doh an si tiah Yaw mipi vengtu YDF-Gangaw nih cathanh an chuah.

Be First to Comment

Leave a Reply

Your email address will not be published. Required fields are marked *