Kachin Ramkulh Kahdahnak SAC Uico Ralhrang Hliam Le Thi An Tam

Myitkyina ( မြစ်ကြီးနား): March 22 zanlei Sml 6:00 ah Kachin ramkulh, Myitkyina peng, Myitkyina Kyoutkun ah security a hngakmi SaC ralkap hna cu 40 mm bomb in an kah hna. Cuhnu ah zaan Sml 7:00 ah chaklei ramṭhen SAC ralkap gate i security a hngaktu SAC ralkap hna cu 40mm bomb in an kah ṭhan hna, tiah theih a si.

MyoHla (မြို့လှ): Kachin ramkulh, MyoHla peng chung ah rallam a rak sial mi SAC ralkap hna cu nihin March 23 zing Sml 6:00 hrawng ah Chuang Wa khua pawng ah MyoHla ( မြို့လှ) PDF nih bomb in an doh hna caah SAC ralkap 2 an thi i, minung 5 nak tam hliam an tuar, tiah theih a si.

SAC ralkap thazaang 50 hrawng cu Min Kyaung Kone (မင်း‌ေကျာင်းကုန်း) khua in Chuang Wa (‌ေချာင်းဝ) khua lei ah an kal lio ah Myo Hla PDF, Bo Mul Gu(ဗိုလ် မိုဃ်ကြိုး) hruai mi phu hna nih bomb lung 8 in an puahhnawh hna i, SAC ralkap 2 a hmun ah an thi colh; minung 5 nak tlawm lo hliam an tuar, tiah MyoHla PDF nih cathanh a chuah.

Mithi ruak le hliam a tuar mi hna cu SAC ralkap nih tilawng in an thiar hna. PDF lei cu hliam tuar um lo tein hnu an tolh kho, tiah theih a si. MinKin (မင်းကင်း): March 23 zinglei Sml 5:30 hrawng ah Sagaing ramṭhen, MinKin peng, Tuang Twin Chuang Kyaw( တောင်တွင်းချောင်ကျော်) khua ah umhmun a khuarmi SAC ralkap pawl cu KLG PDF Swe Tamin Muhso PDF,

Swe Tarihgan PDF, Kani Battalion 2 le mizapi ralkap hna i bawm in suimilam 2 chung an kah hna i, SAC ralkap 10 an thi; PDF 3 hliam an tuar, tiah theih a si. Salingyi (ဆားလင်းကြီး): Sagaing ramṭhen, Salingyi ( ဆားလင်းကြီး) peng ah Swe Tuang Oo in a rak ṭum mi SAC mawṭaw 17 cu March 23 zinglei Sml 4:30 hrawng ah Unity Force Monywa – UFM le Brother Defense Force – BDF hna nih an kah hna, tiah theih a si. Credit; The Chin Post