Press "Enter" to skip to content

Kadohnak ah ralhrang an sungh tuk cang caah zaan suimilam 12:13 in ralhrang nih MNDAA umnak hmun cu jet Fighter in bomb an thlak hna

Sagaing ramṭhen, Pale peng, Innmahti(အင်မထီး) khua ah ralhrang nih Pyo-Saw-Tti pawl training an peknak sakhan cu Pale-PDF nih February 14 zanlei suimilam 5:00 ah an kah hna. Kahdohnak ah hin suimilam 2 leng i kap in ralhrang le Pyo-Saw-Tti lei in minung 3 an thi i hliamhma a pu mi zong an tam, tiah People Revolution Army(PRA) nih cathanh an chuah.

Innmahti khua ah ralhrang nih Pyo-Saw-Tti pawl meithal he training an pek hna lio ah PRA battalion 7, 22, 23 Pale People’s Defense Force-Headquarters, Taungpaw Pungnaka(တောင်ပေါ်ပုဏ္ဏက), Pale Plain Defense Groups, Eagle, Myaing Village Revolution Front le Royal Eagle phu pawl i bawm in an kah hna, tiah theih a si. Suimilam 2 hrawng kahdohnak ah hin mipi vengtu ralkap lei a thi mi um lo tein hnu an kir kho ṭhan, tiah PRA nih cathanh a chuah.

Moepan pengkomh chung ah ralhrang le Myanmar National Democratic Alliance Army (MNDAA) kahdohnak ah ralhrang nih vanlawng hmang in bomb an thlak, tiah MNDAA nih cathanh an chuah. February 13 zaan suimilam 8:29 ah Moepan pengkomh chung Lunggyi nichuah lei ah ralhrang le MNDAA Brigade-211 karlak kahdohnak a chuak i ralhrang 8 an thi i MNDAA in minung pakhat a nunnak liam ve, tiah theih a si.

Kadohnak ah ralhrang an sungh tuk cang caah zaan suimilam 12:13 in ralhrang nih MNDAA umnak hmun cu jet Fighter in bomb an thlak hna, tiah theih a si. Febuary 14 zong ah ralhrang nih MNDAA hmunhma chung ummi Manyan ralrang camp in Sih Cihcih tlangtluan lei ah hriamngan voi 50 renglo le Machine gun le Sniper in an kah hna, tiah theih a si. Crd: The Chin Post

Minung hawi zawnruahnak he eiding bawmhchanh a herh tuk mi Afghanistan ram mipi hna caah India Cozah nih changvut(maida) ton 50,000 leng a bawmh lai i, changvut cu tlang lam in phurh a si lai i Pakistan ramchung an tan pah lai, tiah Pakistan lei rianngeitu nih an chim.

India le Pakistan hi ramri The Radcliffe Line kong ah an i ngiar peng nain Afghanistan nih bawmh an herh tuk caah hmunkhat te ah rian an ṭuanṭi kho tiah ruah a si. Changvut phurtu ding India mawṭaw hna cu India ramri Attari khua in Febuary 22 in an i thawh lai i Pakistan ram pal pah in ramri khua Wagha in Afghanistan nichuahlei ah a um mi Jalalabad an va phan te lai.

Jalalabad an phanh tik ah bawmhnak an Phurhmi hna cu World Food Program (WFP) sin ah an pekchanh lai, tiah theih a si. 2019 kum ah buainak a chuahnak hmun Kashmir India lei kap cu India nih mahte uknak nawl a chuh ṭhan hna caah Pakistan nih India he tlanglam in pehtlaihnak cu a rak phih nain tutan Afghanistan bawmhnak pek ding ah a onpiak ṭhan.

Be First to Comment

Leave a Reply

Your email address will not be published.