Press "Enter" to skip to content

Kalay Khuapi In Thlanglei Ah SAC Ralkap Mi 35 Helicopter 3 Hmang Mipi Hriamtlai An I Kap Sau Tuk An I kap Cang An I Kap Cuahmah Lio Rih

Kalay Khuapi In Thlanglei Ah SAC Ralkap Nih Mi 35 Helicopter 3 Hmang In PDF An Kah Hna!: Sagaing ramṭhen, Kalay thlanglei kahdohnak ah SAC ralkap pawl cu PDF nih an tei tuk hna caah Mi35 Helicopter an hman. Hriamhme le hriamngan he an kah thluangthluan ko hna, tiah tualchung mi nih an chim.

“Nihin May 3 zanlei sml 3:00 hrawng in an kah i, voi tamtuk an kah. Hriamngan hrim cu din lo tein an kah. An kahnak hi suimilam 2 leng pi a si cang i, an kah thluahmah rih ko,” tiah tualchung mi pakhat nih a chim. Kalay in thlanglei kahdohnak ah SAC ralkap pawl cu a thi mi le hliam tuar mi an tam i kahdohnak poh ah a zaam mi zong an tam, tiah theih a si.

Sagaing ramtthen, Kawlin PDF sin ah Inntaw um palik 3 cu hriamnam he CDM an tuah tiah theih a si.
Cu palik 3 cu Inntaw palik an si i Uzi meithal 1, G3 2 , kutcheh bomb 4, 7.62 kuan 1262, 9 mm kuan 181, palik hmanmi thilri cheukhat he PDF sin ah CDM an tuah tiah The 74 Media nih a langhter.

Karen ramkulh, Myawaddy peng, Walay hmunhma um Ralkal Engineer Battalion Sah – Ah- Yah 904 in Corporal (Run)Win Niang le Lance Corporal (Runno) Pyo Cho( ပြုံးချို) hna 2 cu MA 1 meithal zuun 2, kuan bawm 5, kuan 100 leng, kutcheh bomb 4 he KNDO security Battalion sin CDM an tuah tiah KIC ah an langhter.” Kan nih cu mipi he lawng kan i bawm lai, Cun SAC ralkap cu mipi he i bawm in kan doh lai, a si khawhnak in kan doh lai.

Ka thinlung chung ah cun a hlan pi im khan mipi he i fonh ka duh cang ko ” Corporal (Run) Win Niang nih a chim. Runno (Lance Corporal) Pyo Cho zong nih ” hmai ah kal in kan tuah ding rian cu SAC ralkap doh ding hi a si. Hi vawlei ah ka nun rih ko a si chung poh cu SAC ralkap hi ka doh lai ” tiah KIC ah a chim.

Be First to Comment

Leave a Reply

Your email address will not be published.