Press "Enter" to skip to content

Kalaymyo Ah SAC Ralkap Hna Nih Raldohnak Thilthuam Le Hriamnam Tam Tak An Tlaih Hna Ee!

ကလေးမြို့၌ ဖောက်ခွဲရေးပစ္စည်းနဲ့ ဆက်စပ်ပစ္စည်းများဖမ်းဆီးခံရ/ May.7,2022-CCN Team. Ralhrang nih Kalaymyo ah Raldoh nak Thilthuam le Ral Hriamnam Tampi An Tlaih. Ralhrang nih raldoh nak lei ah hriamnam tampi le raldoh nak thilthuam tampi kan tlaih tiah Social Media ah an langhter. An tlaihmi thilri pawl cu a tanglei bantuk an si hna.

[Burme]

ကလေးမြို့၊ ကြို့သုံးပင်ရပ်ကွက် နဲ့ တောင်ဖီလာရပ်ကွက်တွင် စစ်ကောင်စီတပ်က ယမန်နေ့ မေ ၇ ရက်က မိုင်းမျိုးစုံနဲ့ ဆက်စပ်ပစ္စည်းများ သိမ်းဆည်းရမိတယ်လို့ စစ်ကောင်စီသတင်းတွေက ဖော်ပြထားပါသည်။ ဖမ်းဆီးခံရတဲ့ပစ္စည်းတွေကတော့ (၁) ဘာဂျယ်ယမ်းပျော့ ၁၃၈၀ ချောင်း (၂) ယမ်းစိမ်း ၉ ထုပ် (၃) မိုင်းမျိုးစုံ ၄၀ လုံး။ (၄) ဗို့အားမြှင့်ခလုတ် ၄ ခု။ (၅) ကီးပတ်ဖုန်း ၁၂ လုံး။ (၅) ဝါယာကြိုး(၅၀ မီတာ) ၄ ခွေ။ (၆) ဂက်စ်သေနတ် ၂ လက်။ (၇) ဂက်စ်အိုး(အကြီး) ၁ လုံး။ (၈) ဂက်စ်အိုး(အသေး) ၁ လုံး။ (၉) မိုင်းပြုလုပ်ရာတွင်အသုံးပြုသည့် ဆက်စပ်ပစ္စည်းများ။ (၁၀) Phantom အမျိုးအစား Drone ၂ စီး။ (၁၁) CCTV ကင်မရာ ၁၀ လုံး။ (၁၂) ပြောက်ကျားဂျာစီ ၈၀၀ ထည်။ (၁၃) ၁၂ ဗို့ကျည် ၉ တောင့်။ (၁၄) စတီးဘောစေ့ ၃၀၀၀ လုံး တို့ဖြစ်ကြောင်းသိရပါသည်။ Miphun rian ah, CCN Team

Thawngdang Relchap>>><<<< Sakta Khua An Tlaknak le Sakta Tuanbia. Sakta khua cu atu Sakta (Hauka) khua ahkhin si lo in, atu Sakta khua thlang Riva kam “Din” an timi hmun ahkhin khua an rak tlak hmasa. Asinain cuka cu saral vennak a ṭha lo tiah an ruah ca ah a chak ah khua kan i thial lai tiah an ti. Sakta holh in “Sakta a” ti cu “Chakte ah” tinak a rak si. “Sakta a kan nei ṭhial li” an ti i, an umnak chakte ah an i ṭhial ca ah “Sakta” tiah an ti.

Sakta khua a tla hmasatu hna cu Famcun, Mimhrin, Lailung le Sawmlawm phun an si i, Famcun pa cu bawi ah an rak ser. A ukmi a micheu nih cun, “Na kan uk ca ah sakhua zeidah kan in pek lai”tiah an rak hal. Cu tikah an pa nih cun an nu cu, “Zeidah sakhua an kan pek lai?”tiah a hal. Cu lio cu a nupi thlano a theih lio a si i, a nupi nih cun vokvun a hawt liote a si ca ah anpa sinah cun “Vokvun hung kan pe ko u, tiah rak ti hna,”tiah a ti.

Cucaah cun sakhua ah cun vokvun cu an pek hna. Asinain khua caan a hung sau lengmang tikah cun vokvun lawng cu an duh ti lo i, a zaam a lak hna. A zaam zong cu ngan deuh lengmang in a lak hna ca ah michia pawl cu an thin a hung. Saral vial a kan rungveng kho lo i atu le atu ral nih an kan chim; sakhua vial cu a ngan chin lengmang in a kan lak an ti i an phuah. Cu ti cun Sakta cu bawi ngei lo in an um ca ah Khuapi khua ah an kal i Sawmhal pa Mangthar hrin Bawi Al an va put i Sakta cu Sawmhal nih a uk lan hna.

Bawi Al hi Sakta khua ah rat hi a rak duh lo. Cucaah cun Sakta cu a thawh hna i, Khuapi ram ah lo pakhat, Sakta ram ah lo pakhat in vaat ulaw, Khuapi ram lo nakin Sakta ram lo a ṭhat deuh ahcun Sakta ah ka ra lai tiah a ti hna. Sakta nih cun Khuapi ram ah lo pakhat, Sakta ram ah lo pakhat cu an vah piak i, Khuapi vahmi lo ah cun fangci kha Bawi Al theih lo in an reu i a hmin cia in an vorh.

Cu tikah Khuapi ram i an tuahmi lo ah cun fang cu a kho lo i Sakta ram lo an vahmi lo ah cun fang cu a ṭha. Cucaah cun Sakta nih cun an put i Bawi Al cu Sakta ah bawi a cang. Bawi Al nih fapa panga a hrin hna i, Kak Nung, Lawngler, Cung Nung, Ngun Mang le Lal Mang an si. Hi hna unau rual hi Sawmhal phun an si ko nain an tefa hna nih an pale min cio kha an phun ah an i lak i, Kaknung chung, Lawngler chung, Cungnung chung, Ngunmang chung le Lalmang chung tiah an si i, phundang in an um ca ah arsa hmanh an ei ṭi ti lo. Kal Nung nih Van Hmung a hrin i,

Van Hmung nih Za Biak ahrin. Za Biak nih Ngun Kheng a hrin i, Ngun Kheng nih Van Hmung2 ahrin. Van Hmung2 nih Za Biak2 ahrin i Za Biak 2 nih nuriim sinah Van Hmung3, nutak sinah Za Hulh a hrin. Van Hmung3 cu miṭhawng le miralṭha a si i Mirang an kai lioah a doh hna i tampi a thah hna ca ah Mirang nih miṭhawng a si kha an hngalh i Senthang peng le Zotung ram tiang uktu ah chiah an duh.

Asinain, khual an i tlawnpi i Khuapi khua ah mi kut tang um a duh lo ca ah amah le amah a that. Van Hmung a thih ca ah Sakta uktu a um ti lo ca ah bawiphun pakhat a si ve mi Van Sang (Hlawnceu Keiraw chung) kha uktu ah an chiah. Van Hmung3 nutak sinin Za Kulh nih Za Dun le Mang Ling ahrin hna. Mang Ling nih Za Biak3 a hrin.

Za Dun nih Cia Kulh, Ṭial Hmung le Hei Mang a hrin hna. Keiraw chung Van Sang a thih tikah Za Kulh fahniang bik Van Dun nih uknak rian cu a ṭuan ṭhan. Asinain, Van Dun cu Ngunmang chung a si i uktu bik Kaknung chung Up bik ngaingai a si lo ca ah 1914 kum in Cia Kulh a hung za i Van Dun cu uktu rian a chawn (1914-1919). Cia Kulh cu Lairal ah Mirang nih an tlaih i thong ah an thlak ca ah 1919 kum in Za Biak nih a chawn.

Asinain, Za Biak cu fung a kah i, fung cu Cozah nih kah lo ding tiah an khapmi a si ca ah Falam Burn Zipeng nih 2.6.1932 ni ah a phuah i Hei Mang nih a chawn. Sakta bawi hi Bawi Al in Hei Mang tiangah chan 10 an si. Bawi Al hlan ah Famcun nih hin chan zeizat a uk hna ti hi hngalhnak a um lo ca ah Sawmhal phun in tuak a hau. Bawi Al hlan ah Khuapi ah Sawmhal cu chan hnih an bawi cang.

Khuapi an tlak hlan ah Khengho khua ahhin chanhnih tluk an um i Khengho khua i an um lio ahhin Sakta khua cu “Din” timi an um cang ti a si ca ah Sakta an tlaknak cu Hei Mang tiang ah chan 18 a si cang. Chan khat cu kum 25 in tuak a si tawn ca ah Sakta khua cu kum 450 tluk a dir cang a si hnga. Cucaah Sakta khua cu AD 1530 hrawngah rak tlami si dawh a si hnga (1980 – 450 = 1530). Cucaah cun Pu Ṭial Hmung nih Sakta khua cu AD 1526 ah an tlak tiah a timi dik dawh ngai a si. Sihmansehlaw, Sakta nih cun Sakta khua cu 1400 hrawng ah tlakmi a si, an ti.
__

Ca laknak, Pu Chawn Kio. 2000. “Lai Miphun Thawhkehnak Tuanbia” . Dingdi Music Megazine Committe. p 120 -123

Credit; Chan Bik Ceu

Be First to Comment

Leave a Reply

Your email address will not be published.