Press "Enter" to skip to content

Kalaymyo I Pathian Riantuan Tupawl Zong An Thu Sawhsawh Kho Ti Loh Pathian Nih Hmang Ko Hna Seh Law

Kalaymyo pawngkam i a um mi pawl Pathian riantuan mi nih cun tuchun February 19 ah Myanmar ralkap uknak duhlonak le CDM tuahmi pawl dirpinak ah lamzawh sandah piah nak an nei i minung tampi an chuak hna. Lamzawh sandah piak nak ahcun Pathian riantuan mi lak in Pastor , Evan , thangthatnak zaihla sak nak in le a phunphun i Pathian rian a tuan mi pawl an i tel hna. Lamzawh sandah piah nak cu CBA zung in an i thok i Kalaymyo lansung tiang an kal.

Catar phunphun i ken in Pathian sinah thlacam piak dingin an hal i US,UN,EU le G7 pawl zong ralkap uknak in Myanmar a luat khawh nak dingah bawm dingin an hal. Myanmar hrang thla an cam nak kong, CDM tuah mi pawl an dirpi nak kong ,Federal Democracy an duh le ralkap uknak an duh lo nak kong pawl cu lian taktak in ca an tar i an i ken.

Lamzawh sandah piah nak cu a tu in a vawi hnih nak an neih nak a si cang tiah theih a ai i a hmasa deuh cu February 12 chun ah an rak nei cang. Hi bantuk i an cawlcangh ruang ah CDM tuah pawl zong thazang an ngah phah lai tiah beisei nak tampi a um. Credit : VAPUAL AUAW

Be First to Comment

Leave a Reply

Your email address will not be published. Required fields are marked *