Kalaymyo Nichuahlei Tuzing Ah Hriamngan Puah Thawng Theih A Si

Kalaymyo lamtonnak leikap in tuzing March 15 zinglei sml 5:00 hrawngin hriamngan puah thawng vawi (2) theih a si. Hriamngan puahnak thawngin inn le vawilei tiangin a hnih dih.Kalaymyo in an kahmi hriamngan cu Natmyaung khua le Chin ramkulh Waibula pawngkam ah tla in an puak tiah theih a si.
Nizan chun ah khan Kyar Ing khuami lungthin a hman lomi mipa pakhat cu SAC ralhrang ralkap nih meithal in an kah that tiah theih a si.Crd: Zalen

PDF Nih SAC Ralhrang Ralkap Cu Nikhat Hnu Nikhat Zawrchuk/Ttumchuk In An Tuah Tiah NUG Nih Chim!PDF hna nih SAC ralhrang ralkap thazaang cu nikhat hnu nikhat zawrchuk/ttumchuk in an tuah khawh caah khua te lei ahcun an control khawh ngai cang tiah NUG i humhimnak zung nih mipi nih ralhrang ralkap cu hriamnam in lehrulhnak caan thla (6) tlinnak ah an chim.

PDF nih an control nak hmunhma hrambunh in caan karlak mipi hruainak cu tlamtling in tuah khawh a si cang i, ramchung dihlak khuapi deuh le khuapi hmun dangdang zongah pyauh kyar bakin ralhrang ralkap an kah thluahmah cang tiah an langhter.A buakthlak in zoh/thlir ahcun mipi nih kan tuahmi kahdohnak hi kan i timhmi ningin hma a kal kho ngai, kan hlawh a tling ngai tiah chim khawh a si cang tiin an langhter chih.

PDF hna cu harsatnak phunkip chungin raltuk ningcang an hun cawng kho pinah an tlaihmi hriamnam zong anmah tein an i serchuah kho i, atu kan kal cuahmahmi mipi raldohnak thla (6) chung hi mipi raldohnak hramthoknak a si tiah ruah thiam ahcun PDF hna nih pyauh kyar in siseh a lamkip in raldohnak ah hlawhtlinnak an hmu/co tiah an langhter chih.