Kan Chinram Ah Mipi Vengtu Ralkap Le SAC Ralhrang Kahdohnak Voi Tampi A Chuak, SAC 1000 Leng An Thi
24 April 2021 in 31 December 2021 tiang Chinland chungah; voi 184 kahdohtak a um. Kawl ralhrang 1,029 an thi cang, mipi ralkap 58 nih kan Chinland caah nunnak an pek i, Mipi (civilian) 27 nunnak a liam!
January thla chungah Kawl ralhrang tampi an thi rih. Lungrualte in kan tanti ahcun hinak kan thawng chinchin lai. A zalenmi Chinland kan ser khawh colh lai. Dohthlennak cu a man a faak taktakmi asi i, kan lung dong hram hlah seh. Source; CJDC
Credit; Ram Tinthei
Ramkip a phanmi Myanmar rammi hna nih dirhmi Global Fundraisers Group (GFG) nih Bo NaGa hruaimi phun caah hriamngan kan cawk piak hna lai tiah theih a si. NUG Cozah runvennak vuanci Secretary U Naing Htoo Aung, Myanmar Taw Win NaGa Tatmadaw (မြန်မာ့တော်ဝင်နဂါးတပ်မတော်) hruaitu Bo NaGa le Global Fundraisers Group (GFG) hruaitu hna cu Zoom Meeting in biaruahnak an ngeih lioah GFG nih hriamngan cawkpiak dingin bia an kamhmi a si.
Biaruahnak ah cun U Naing Htoo Aung nih atu lio dohthlennak dirhmun kong chimfiannak a ngeih pin ah biahalnak zong lehnak a tuah hna. Cu hnuah Bo NaGa nih Pale peng kahdohnak kong le an herhmi kong hna chimnak a ngei ve.
Global Fundraisers Group (GFG) nih cun Bo NaGa hruaimi phu nih an herhmi hriamngan cu kan in cawkpiak hna lai tiah bia an kamh colh. Cuticun Global Fundraisers Group (GFG) nih Bo NaGa hruaimi Myanma Taw Win NaGa Tatmadaw sinah Kyat 84,273,000 (sing zariat, sing sawmli le singhnih, thong sawmsarih le thong thum) an bawmh hna lai tiah Public Voice TV nih a ṭial. Crd; The Chin Post
