Press "Enter" to skip to content

Kan Ralkap CNA Pasaltha Hna Nih Biakamnak An Tuahnak Video Hi Zo Ve Hmanh Uh

Kan Chin ralkap pasaltha hna nih ram le miphun veng dingin bia an i kamnak muicawl hi zoh ve hmanh upatlo awk an tha lo ee! Chungkhat Nu le pa u le nau sinah lungdam tein khuasak an duh tuk ve ko.

Nain kan Chinram le Chin miphun miphun dang saltang/um lai phan ah mah vialte kaltak in ramtang ah harnak phunzakip tuar in kanmah caah an nunnak dihlak chap in ramtang um an i thim hi cu upatloawk an tha hrimhrim lo ee!

Cuucah, Chin mi kan dihlak kan lungfim cang seh! Kan ralkap hna thangchiatnak le zohchuknak hi kan thinlung ah i sem ti hlah seh! Thazaang tu kan si khawh ning cio in pe ko hna usih! An biakam nak Video tawi a tangbik te ah kan chiah piak hna mu, Zoh ve hrimhrim mu…

Camp Victoria Kong Kan Pa Dr. Lian Hmung Sakhong Chimmi Relchap: Dr. Lian Hmung Sakhong Nih CNA/F Headquarters A Simi Camp Victoria Cung Lei In Kahdoh Bomb Thlak An Timhnak Kong He Pehtlai In A Chim Mi! Dr. Lian Hmung Sakhong nih CNA/F Headquarters a simi Camp Victoria cung lei kahdoh bomb thlak an timhnak kong he pehtlai in “SAC ralhrang lei in an daih khawh ahcun an daih a hau, an ngol a hau,

Cun tin in an daih lo, an ngol lo a siahcun kahdohnak fak piin a chuak kho. Camp Victoria cu ral lei target (Kahdohak hmun) a si lo. Mipi vialte an thut- umnak CNA min thut ningin caan karlak dirh mi mipi he pehtlainak, i chawnh biaknak sakhan pakhat a si. SAC ralhrang nih an timhtuah mi Map (hmunhma) le thawngpang pawl zong India cozah kan tuah dih cang” tiah a chim.

Dr Lian Hmung Sakhong, ” CNA/F kan Headquarters a simi Camp Victoria cu SAC ralhrang nih raltuknak vanlawng in bomb an thlak lai timi thawngpang hi a hung lar ngaingai. Cu kong ka chim hlan ah SAC ralhrang ii an sining dirhmun, Kan Chin ramkulh sining dirhmun chim hmasa ka duh. kum 2021 April ni 6-7 thawk in kan Chin ramkulh ah Lai meithal (Tumi meithal) in dohthlennak hram rak thawk a si. Cun Mindat lei zongah SAC ralhrang an rak kai.

Lai meithal (Tumi) meithal, Kutser Chin Rifle in SAC ralhrang cu kan rak kham hna. Cutin kham in Nihin ni tiangah kan Pathian a dawtnak thawngin Kan Chin ramkulh cu a kham kho mi sining dirhmun kan phan (kan Kham khawh). Min Aung Hlaing nih A-Naw-Ya-Tha ral sernak kahdohnak hram a rak thawk kaa ah CNA/F Headquarters a simi Camp Victoria cu ka laak lai, tiah a rak au-khuang.

A tu kum khat a rau cang nain Pathian a dawtnak thawngin CNA/F Headquarters a simi Camp Victoria cu kan kut chungah a um ko. A tu Zeiruangahdah cung lei raltuknak vanlawng hmangin kahdoh dingah timhlamhnak an ngeih timi kan zoh a siahcun SAC ralhrang lei nih kan Chin ramkulh lei ah A-Naw-Ya-Tha ral sernak telin ral ser nak a phunphun in an tuah.

A sinain ral sernak an tuah fatin hlawhtlinnak an hmu lo. Khah-Lah-Yah-203 lei in a zaam mi ralkap pakhat nih a chimphuan ning ahcun Tatyin pakhat ah minung pa zeizatdah an chiah hna timi cu theih dih cio a si cang ko nain, “a tu ah Tayin pakhat ah minung 30 hmanh an um ti lo” tiah a chim. Hi dirhmun in SAC ralhrang nih kan vawlei cu an hmunhim kho ti lo timi cu a fiang tuk mi a si cang.

Vawlei an humhim khawh ti lo caah cung lei ral in mipi vialte kahdoh an kan timh timi hi a pakhat nak bik ah chim ka duh. SAC ralhrang nih CNA/F Headquarters a simi Camp Victoria kahdoh an timh nak kong he pehtlai in an Target (kahdoh an i timh nak hmun) zoh tikah a pakhat nak bik ah Khrihfa kan ” Biakinn” aa tel. A pa 2nak ah Siizung aa tel. A pa 3nak ah Sianginn aa tel.

Cu pawl cu zoh tikah ral sernak, ral tuahnak, ralsiamnak kongkau a si lo. Mipi hna ii dai tein an thut-um khawh nak hmun cu an target (mipi an um nak hmun kah dingin timhtuahnak an ngei). Mipi pawl target in dohral tuah timh cu a um bal lo mi a si. Cucu ral lei in SAC ralhrang nih war crimes (sualnak) an tuah a si.

A pa 2nak in kan zoh tthan a siahcun Camp Victoria timi cu Thein Sein chan lio ii NCA minthut kan tuah hnu, an mah lei le kan mah lei kap hnih in ceihhmaitinak kan ngeih hnu ah kap hnih lungtling tein hun mi sakhan a si. Kan hun thawk in Camp Victoria sakhan cu ral sernak hmun ah hun mi sakhan a si lo. Mipi he pehtlainak caah hun mi sakhan a si. A tu Camp Victoria sakhan a um mi minung 60% cu mipi sawhsawh an si hna.

Then cheuh in a chuak mi IDP pawl an si. Kan cawm mi hna, kan zohkhenh mi hna mipi an si. Ka chim duh mi cu Camp Victoria sakhan a um mi minung 60% cu mipi sawhsawn an si, timi hi a si. Camp Victoria sakhan cu kan hun thawk in ral sernak, ral siamnak sakhan in kan tathmat mi lo (kan ruah mi a si lo). Mipi pehtlainak (chawnh biaknak) ah hun mi a si. Picnic, spots tuah nak hmun bantuk i kan ruah (Picnic spots bantuk in kan tathmat).

Khuai kaa hmun a um mi, zeibantuk minung poah nih training lak a ngah. Khrihfa phu kip in Gospel Team pawl zong rat a ngah. Hlasak a ngan. Concert tuah a ngah. Nuam tein umnak hmun sakhan pakhat a si. Cu ruang ah ral lei in target (kahdohnak timhnak hmun a silo) hmun a si lo. Hi sakhan kan rak thim kaate ah Tio tiva pawngkam ah hram kan rak bunh.

Cu Sakhan varal lei ah tlang a um, cu kaa hmun ah Assam Rifle zong an um. SAC ralhrang nih raltuknak vanlawng in kahdohnak tuah sehlaw India ramri lawnh loin a tuah kho lai lo, timi a fiang. A hram thawk tein timhtuah nak ngeih in kan rak thim mi hmun a si. A tak ah SAC ralhrang nih cung lei in kahdohnak an tuah a siahcun cung lei ral hman khawh lo dingin, Raltulnak vanlawng hman khawh lo dingin, Cung lei in kahdohnak tuah hna hmanhsehlaw India ramri lawnh lo a ngah lo. Cu caah timhlamhnak tha tein ngeih in kan rak tuah mi a si.

SAC ralhrang lei nih a thli tein an tuah mi Map kan zoh a siahcun India ramri lawnh loin kahdohnak an tuah kho lai lo. India ramri an lawnh hrimhrim lai. SAC ralhrang nih an langhter mi Map (hmunhma) thawngpang thil sining pawl cu India cozah sinah kan kuat dih cang. India cozah lei zong nih cung lei ral vennak (Air Space) hmunhim dingin nawl an kan peek cang. SAC ralhrang nih ramdang ramri lawnh loin kahdohnak a tuah khao lo. Cu drihmun a phak tikah SAC ralhrang an thil tuah pawl cu kan tuak tikah mipi kahdoh dingah,

Sual ngeilo mipi kahdoh dingah Ah Nang Pa ah an tuah mi bantukin sualngei mipi bomb thlak dingah timhtuahnak an ngeih mi War Crimes pakhat a si. Cu ruangah SAC ralhrang lei in an dawih khawh ahcun an daih a hau, an ngol a hau, Cun tin in an daih lo, an ngol lo a siahcun kahdohnak fak piin a chuak lai.

Camp Victoria cu rel lei target (Kahdohak hmun) a si lo. Mipi vialte an thut- umnak CNA min thut ningin caan karlak dirh mi mipi he pehtlainak, i chawnh biaknak sakhan pakhat a si.” tiah a chim. Note-Chet EXpert ah lak mi a si ii aa tlak ningin ka vun leh tthan.

Thawngdang Relchap; Mipi Cozah Nasi Ko Tiah NUG cu International Nih An Cohlan Lonak Aruang Ka Hmuh Ve Ning. Kawlte ERO le EAOs Nih Legitimacy An Tuah Lo Buin International Ah NUG Legitimacy Si Awk Cu Lungpi Ke Chuih Bantuk Asi.

NUG Cu Mipi Cozah Asiko Tiah International Nih An Cohlan Lomi Hi NUCC le Ramkulh Ruahnak Petu Phu Ruang Ah Asi. Ril Fonghlei bantukin asi caah, Operation tuah I, chuah ding asi. Ramkhel paw a fak ter, PDF CDF paw a fak ter, Raldohnak ah Chungchia bantukin paw fah tertu asi.

NUG nih United States (Washington DC), United Kingdom, Norway, France, Czech Republic, Australia, South Korea tbk ram 7 ah Setsanzi Zung (liaison Office) kan dir khawh. Cozah na si ko tiah Phungning tein cohlan awk ah karhlan kan duh caah, Liaison zung kan dirh cu asi.

Vawleipi nih NUG cu Mipi Cozah nasi ko tiah Phungning tein an cohlan lomi cu khuaruah har lehlam khi asi. Mipi an kan zangfah hnga lo maw tiah biahal usih law, International nih an kan leh awk aum lem lailo. An ka le thanhca lawng in Mipi cozah tiah an pawm, official in an pawm lo. Officially tein cozah asi ko tiah an pomh ahcun Liaison siloin Embassy tu aum awk asi.

International nih NUG legitimacy an tuah lo nak Aruang tampi aum ko lai nain, Kawlram ah aum mi, Ramkhel Party, EAOs, CDF / PDF / LDFs nih teh NUG hi Phungning tein Mipi Cozah asi ko tiah cohlan nak le thanh ca aum maw ti hi tuak ngai awk asi. NUG cungah Tlangcungmi le EAOs hi an buaibal lo.

EAOs nih NUG cu Mipi cozah ah an cohlan ko nain, an karlak ah a buaiter mi cu Pine ruahnak Petu phu (ICNCC< IKRNCC< IKNCC<ICKNCC) le NUCC hi asi. Pine ruahnak petu phu le NUCC aum hlan ah, EAOs le NUG fonh in Federal Army siam kha chungmang cu asi. CRPH le NUG lawng in um sehlaw,

EAOs le NUG hi aa ṭhen bak lai lo. NUCC nih Federal Charter an chuahpi, Federal Phnghrampi kan suai lai, an ti ri in, EAOs le NUG karlakah theihthiam lonak hram aa thawk. NUG he pumkhat sinak kha an kal tak I, Mahameih Alliance lawng in an um. A cheu EAOs cu NUG an kaltak , SAC he PEACE an tuah. CNF lawng hi NUG Nupi tak asi. adang EAOs rual cu Nupi chun le kalpah nupi / Zankhat NUPI bantuk an si.

NUG he Alliance asimi EAOs (KIO, KNU, KNPP) nih Pine Ruahnak petu Phu cu an hlawt I KIO Cozah, Kawthoolei Cozah, Karenni Cozah, tiah anmah tein an dir. CNF cu Chinland Cozah an dir lo, NUG nupi tak in nihin tiang fek tein a dir. Karenni hi a zual bik an si. IKRNCC kha tla lakin an chuih ko.

AA le TNLA hna hi cu Cozah an tuah lo. CNF lawng hi NUG Nupi tak ngeihchun asi. KIA<KNU

Tlangcungmi le EAOs cu um rih seh, Kawl Miphun EROs le PDF LDF nih NUG cu cozah tling ah an cohlan maw? PDF a ngan deuh mi, BPLA, MRNA (Bo Nagar) tbk cu NUG nih an cohlan hna lo caah Kawl miphun ERO ah an dir lawlaw. Kawlrawn ah PDF LDF hi 400 leng 500 dengmang an um. 100 hi NUG minung an si.

PDF LDF tam deuh cu NUG minung an si lo. NUG nih an cohlan lo mi le NUG a cohlan lo mi tiah phun hnih an um. NUG tang PDF cu Ralkap 50000 an si I, Division 5 in an um. NUG kuttang aum lo mi Kawl Miphun PDF LDF 200 leng nih NUG cu an cozah ah an cohlan lo. Zeitindah vawleipi nih Cozah ah an cohlan lo kan ti lai?

NUG Kuttang aum mi siseh, aum lomi siseh, Kawlte EROs le PDF/ LDFs nih NUCC ah Palai nan kan pek lai an ti. NUG nih an duh lo. Sagaing Ramṭhen ruahnak petu phu dirh nak nawl nan kan pek lai I NLD ruahnak pektu phu cu nan hrawk lai an ti hna, NUG le NUCC nih an duh lo.

Kawlte EROs nih, Ramkulh le Ramṭhen ruahnak pektu phu vialte hi hrawk uh law, NUG / CRPH / EAOs / EROs / PDFs / LDFs / CDFs Palai hna ti in tling tein dirhmi cozah thar kan siam lai tiah an hal hna tikah, NUG le NUCC nih an duh ti lo. Cucaah Kawlrawn um EROs (Kawlte) le PDFs / LDF karlak buaibai nak a um mi, pumkhat si khawh asi ti lo.

Biafun: CRPH nih NUCC le ICNCC btk (Pine Ruahnak petu phu) hi rak tuah hlah sehlaw, Pumkhat si a fawi deuh lai, a karlak ah Palai um loin, EAOs le Tlangcungmi he direct in i pehtlaih asi lai. Federal amuru zong hihi asi. Tlangcungmi, EAOs, CDFs, PDF, LDF, CDMers tbk in kawlram mipi vialte hmunkhat ah I fonh ding ahcun a phentu ICNCC vialte hi hrawk a herh.

Kawlram ramkhel bu phu (3) asimi, Tlangcungmi, NUG Cozah, Mi fimthiam hna (Palai aazat mi) hmang in NUG tharchuah a herh ko. Cutin kan tuah khawh lo ahcun NUG ah pumkhat si khawh asi lo. Pumkhat siloin Ralhrang TEIKHAWH asi lo. Hi Agenda ning in NUG cozah muisam kan thlen khawh ahcun, Vawleipi nih Cozah ah an cohlan colh ve lai.

Ralhrang zong 2023 kum ah kan thluk ve lai. Pine kip ah a um mi ICNCC vialte kan hrawk lo, NUG cozah kan tharchuah lo ahcun, ral kan tei lai lo. Ral kan tei hmanh ah Kanram le miphun a dam lai lo. Kanmah le kanmah kan doh a herh lai. Cutikah Rallokap Tupung nih uknak cu fawi tein an kan chut lai. By- Joseph R. Thang

Kan ralkap CNA Pasaltha Hna Biakamnak Video Tawi zohnak >>><<< https://www.facebook.com/100078047837925/videos/1764780650589105

Be First to Comment

Leave a Reply

Your email address will not be published. Required fields are marked *