Kannih Cu Kanram Le Miphun Caah Kan Nunnak Kan Pek, Delhi Le Malaysia Ummi Mino Vialte Hna Rak Tlung Cang Hna Uh
Kan Ram le kan miphun ca asiko, kan miphun caah kan nunnak kan can kan pek! Cucaah Delhi Ummi le Malaysia um mino vialte hna rak tlung cang hna uh! Mah a chimmnak video hi a tang bik te ah rak zoh ve uh….
Relchap; Raltuk ah cun kan thi lai lo ticu a si kho lo,a tlawm le tam a si ko lai!! Nain mah lei umto cawlcangh thiam lonak ruangah a caan lo ah thih le hliamtuar khawh a sive.
Hriamnam ttha a biapit tluk tein strategy ser le hmanthiam a biapi ve lai. Cun mipa khat or phu pakhat zuamcawh phun ngei in raltuk lo ding a si fawn…Credit duhtuk nak nih kan nunnak a laak khawh. Zeirian pohah experience a herh, biapi tuk cio nain raltuk ko ah experience hi a biapi khun timi an um ve .
Cucaah ramleng um CDFs hruaitu upa hna nih forh in hnek chih lo ding a biapi tuk,( aforh hnekchih kan um sual ahcun)cun CDFs hna zong nih hin, ramleng fund kawltu upa hna mithmai khap lo phun in le ral kan tuk lo cun fund kan ngei ti lai lo caah kan dohhthlennak ngol hau sual lai ti phun in, a caanrem lo tuk bu hna in ralhrang nan va tuk lo ding biapi.
Raltuk cu nunnak pakhat te ngeihhun mi he aa pehtlaimi a si caah fimkhur le ralring tein le a caanhman thiam,zoh thiam bu tein tuk ding si.
“Sai/Vuipi a zor lengmang i Naa pi tia a taang” tiah phungthluk kan ngei,aa naibik simi TT le HK CDFs tal cu, CNA hruainak toiah raltuk ah hin a ttha cem ko lai dah.(Chinram hriamtlai phu dih lak si kho lo hmanh ah mu)
Note: Raltuk thiam le theimi ka silo,nain keimah hmuh le theihmi chungin ka siaherh mi ka hun langhter, nan duh chungin comment ah nan ka soisel khawh. Credit; Salai William HC
Thantlang Cu CNA/CDF Nih An Lak Chom Lai Ka Zumh. Thantlang kahdohnak cu a fak chin lengmang, an i kahnak le ralhrang nih vanlawng nikhat voi 40 tluk deng a hman mi pawl tuak ahhin an thapi a cat cang timi tehte a langhtertu asi. Zeiruang ti asi ahcun Thantlang ralhrang a ummi nih kan chei ti lo, an kan lak cang lai hi, cuka zawn cu vanlawng in kan kah piak u, mahka zawn hi kan kah piak rih u, van kap rih u an tamtuk hi an kan lak khawh deng cang, tiah tap deng in vanlawng bawmh an hal zungzal hna caah asi, timi cu ai fiang tuk.
Biatak tein an i kah hlan ahkhan cun vanlawng a hmang bak lo, a sullam cu ralhrang Thantlang ummi nih kan herh lo vanlawng an ti caah a si lai cu. Atu a vanlawng dihlak le thazaang um-ek in a kah ning zoh tikah CNA-CDF nihhin an lak khawh deng cang caah le an bet tuk cang hna caah a si, timi cu ai fiang ngaingai. Ka zumh ning ah tunak fak deuh in CNA/CDF nihhin nam rih hna sehlaw an dih cang lai dah. Vanlawng lawng si loin attack helicopter MI-35 a hman ning tuak ahhin ralhrang hi lunghrin lo awk an tha ti lo, an sungh luklak cang timi cu ai fiang tuk.
Amahbelte teilai rirawt ah CNA/CDF nih an ngol duk sual belte ahcun an vun i sersiam kho deuh lai i minung zong an i chap than kho men, cun an position zong rem deuh le tha deuh in an vun i remh chinchin khawh men. Tulio tluk in caantha cu a har cang men lai, ka zumh ning ah biatak tein an kah hna ahcun tuzarh chung hrimhrim hmanh ah an lak cang lai ka zumh ko Thantlang cu. Ka chimmi hi forh le kap hrimhrim uh, tinak a si ko hi awh! Ka zumh ning ka chim mi dawh a silo. Pom-cilh bakin i kah ahcun kan ralkap pawl zong hi tampi an nunnak cu a liam kho ve mi a si.
Thantlang an lak khawh ahcun a dih cang bantuk asi lai caah thawpi cu a chuah cio ko lai dah. Ralhrang nih helicopters in tu le tu an vun rathnawh nain milu cu tam an chap lomi le hriamnam lawng an vun chanh lengmang mi hrimhrim hi lunghrinh lo awk a tha lo, CNA/CDF kut ah zeiti a si hmanh ah a phan ding a si te hrimhrim lai caah ralkap tampi helicopters in vun thumh cu kan i sungh tuk, cucaah a tangmi nih a si khawh chung in hriamnam tha deuh tuhi pe hna usihlaw kap ko hna seh, ti hna sehlaw ka dawhter. Credit; Chelsea Bawi
