Press "Enter" to skip to content

Karen Ralkap Nih Ralhrang 10 An Thah Hna

Karen ramkulh, KNU bridage – 5 hmun ah March 30 ah kahdohnak a chuak i BGF le SAC ralkap 10 an thi tiah KNU bridage 5 Mutraw thawngzamhnak nih a thanh. March 30 ah Phapun, siankine (ရှမ်းကိုင်း) sang ah SAC nih an ralkap, an hriamthil le an riahcaw an phorh tawn nak hlei pakhat cu bomb in an hrawh. Cun cu ni ah Thikasawme (ထီးကဆောမဲ) in SAC ralkap caah riahcaw a phor mi BGF phu cu an kir lei ah KNU nih an kah hna i minung 9 an thi tiah theih a si.

March 30 ah Kamamawng (ကမမောင်း) in a rak i thawh mi SAC ralkap motor 3 cu zing Sml 8:43 ah voikhat, zing Sml 11:05 ah voikhat tein voihnih bak KNU nih kan kah hna tiah thawng an thanh. March 31 zing Sml 8:58 zong ah Wodusu (ဝါဒိုးစိုး) ah umhmun khuar mi SAC ralkap sakhan cu KNU nih an kah SAC ralkap 1 a thi tiah theih a si.

Ni 424 Chungah SAC Nih Rammi Minung 1723 A Thah Cang Hna. AAPP nih March 31 ni tiang a thanh ning ah Myanmar rampi ah SAC ralkap nih Nawlngeih nak an lak nak ni 424 chung ah mipi 1723 tiang thah an tong tiah theih a si. Tlaihkhih a tong mi 1974 an si cang i ,tlaih ding in nawl chuahmi minung 1974 a si cang. The Chin Post

022 March 17 — Ralkap nih March 31-April 9 tiang tuah ding in timhtuahmi Tanghra camipuai (exam) ah Chin ramkulh khualipi Hakha telh in Thantlang, Mindat le Kanpetlet peng ah ahohmanh nih min cazin an pe lo, (exam a tuah) a phi ding an um lo tiah RFA Burmese nih a thanh. Caan that lio ahcun, 10,000 leng hi Chin ramkulh in tanghra an phit tawn.

Asinain, tutan cu 2950 tluk lawng nih min cazin an pek tiah theih a si. Chin ramkulh pengkulh 9 chung ah, dohthlennak a thawnnak hmunhma a simi Hakha, Thantlang, Mindat le Kanpetlet ahcun hohmanh min cazin an pe lo nain, Falam in 309, Tonzang in 229, Cikha in 208, Tedim in 286, Matupi in 107 le Paletwa in 1811 tluk nih min cazin an pek tiah theih a si.

2019-2022 cacawn kum ah, Chin ramkulh ah minung 14000 tluk nih tanghra camipuai (exam) an rak phit i, zatuak 20% tluk lawng nih awnnak an hmuh tiah theih a si. Kum dang ah a exam a tuah mi hi, 900,000 tluk an si tawn. Nain, tukum Ralkap nih tuahmi tanghra camipuai (exam) ah sing 3 (300,000) tluk lawng an phi lai tiah theih a si. Credit; The Chinland Post

Be First to Comment

Leave a Reply

Your email address will not be published.