Press "Enter" to skip to content

Kareni Ralkap Nih Min Aung Hlaing Ralkap Bawi Telh In Minung 25 Hrawng An Thah Tthan Hna, An Hriamthil Zong Tampi An Laak

Hparuso ah council ralhraang motor tlar kah an tong, bawmh ah a ra mi council ralhraang le KNDF tangti phu kar kahdohnak ah ralhraang lei Bothum pakhat tel in 5 nak tlawm lo an thi, May 9, 2022. Karenni ramkulh, Hparuso peng Dawkywekhu khua pawng ah council ralhraang motor tlar cu KNDF le tangti phu nih May 7 zing suimilaam 8:30 ah an kah hna i ralhraang motor 4 a rawk.

Motor cung a cuang mi ralhraang 15 an thih hnu ah, cuhna rak bawmh ah a ra mi council ralhraang he zing suimilaam 1:30 ah kandohnak a chuak than i ralhraang lei Captain tel in 5 nak tlawm lo an thi tiah KNDF battalion-4 sin in kan theih. “Avoi 2 nak kahdohnak a chuak than i ralhraang lei 5 nak tlawm lo an thi, hriamnam zong kan lak. A thi mi chung ah bothum pakhat aa tel. Kanmah lei hliamtuar kan um lo,” tiah an thanh.

KNDF battalion 4 nih an lak mi hriamnam an tarlangh mi ah MA zun 2 tel in zenthong bawm le a dang ralhriam thilri hna an i tel. May 7 zing suimilaam 8:30 ah ralhraang motor 4 cu KA, KNDF battalion-4 le KNDF battalion-15 nih an kah hna i Seh meithal 1, RPG 1, MA zun 8 le ralhriam thilri cheukhat an lak tiah kan theih. Credit; The Hakha Post

Rakhine Ramkulh Ralzam Camp A Kangh Caah Inn 260 A Ciam. Ralhine ramkulh, Kyauktaw peng Mahamunih(မဟာမုနိ) ralzam camp cu, nihin May 9 zinglei sml 1:00 hrawng ah mei nih a kangh caah inn 260 leng a ciam, tiah Camp ṭuanvo ngeitu pakhat nih a chim. “A kangh hi zinglei sml 1:00 hrawng ah a si. Inn vialte cu an ciam dih ko. Kan phalh len ko nain kan phalh kho hna lo,

meithat mawṭaw zong tuan ah a rak phanh lo tikah a ciam dih ko,” tiah camp i ṭuanvo ngeitu nih cun a chim. Kyauktaw khua in meithat mawṭaw cu a ra i, a kangh dih hnu sml 2 hnu ceo lawng ah a rak phan, tiah a chimchap. Camp a kangh caah umnak ngei loin a ummi hi kan tam ngai, ruah a sur i eidin le ruahkham angki kan herh ngai, tiah ralzam pakhat nih a chim.

Ruah a sur lio a si caah eidin le umnak hmun a har ngai. Cucaah ṭuanvo ngeitu pawl nih bawmh kan herh ko, tiah a chim. Mei a kangh ning hi phazawngdan an vanmi a tlu i zelṭuang a kanghnak in inn 260 tiang a kanghnak hi a si. A thi le aa hliammi cu an um lo. Caan karlak sianginn le Tlangtlawng station ah an i dor chung hna, tiah theih a si.

Hi ralzam camp hi rua in an sakmi a si caah ralzam mi hna nih biatak tein an i ralrin a hau tiah, a chimtu zong an um. A luancia 2021 March 17 lio zong ah MyoOo peng, Ṭingngio(တိမ်ညို) ralzam camp zong mei nih a rak kangh caah inn 660 a rak ciam. Crd; The Chin Post

Be First to Comment

Leave a Reply

Your email address will not be published.