Press "Enter" to skip to content

Kawl Ralhrang Cu Satan Hnak In An Sual Deuh,Cu Ca Ahcun Teinak Kan Hmuh Khawh Nak Ding Ahcun Kan Chin Mi Dihlak In Kan i Funtom A Hau,Rel A Phu Tuk Rel ve tuah

tu lio ralhrang hna i an tlaihtleng cu kan lei a tanh lo mi poh cu kan ral nan si ti hi an i tlaih mi asi,cu caah cun an lei ah a tanh mi kan si lo caah ral bantuk in an kan hmuh colh i,ral cu an duh tik poh ah tlaih i an duh tik caan poh ah thah ding mi dirh hmun ah kan um hna.

bible nih a hua mi le zumtu nih kan huat bik mi cu, Satan hi asi,zei ca tiah Satan i a rian ngan bik cu mi tukforh hi asi,cucu Bible nih a finh ter mi le a langh ter mi asi.a tu kawl ralhrang kan zoh tik hna ah,satan nih mi tukforh riang lawng a tuan nain kawl ralhrang cu mithah le mi nawn le inn duah tiang in an hmang caah satan hnak in an chiakha deuh i a sual deuh mi an si.Bible chungah kan hmuh mi cu satan le a party hna an donghnak cu Hell asi ko,cu ve bantuk cun ralhrang le a party pawl an dohnak cu a fiang ve ko rawhral nak lawng te le Hell, Hell hmanhah Hell tawne asi ko.

vawlei tuanbia kan zoh tikah ralhrang bantuk in a sual mi pawl tuan bia hna, Denladen cu kum 54 lawng asi ah a nunnak a liam,may 2,2011 Pakistan ah thah a rak si,Sadomhmusingh Dec 30 2006 ah a nih zong rak thah ve thiam thiam asi.cun 1965 philipian ah president a si mi pa zong kha ralhrang bantuk in a sual tuk ve caah a nunnak dingah ram dang ah azam nain 1989 a zamnak a va thih beh ko,cu caah cun ralhrang hna misual hna an donghnak hi tlaih i thah mi an um,a zaam i a va thi beh mi an um,cu bantuk in Min Aung Hlaing zong hi a ton ding mi a fiang cio,i thim ding pa thum te lawn anei.

pakhatnak ah an tlai i maw an kahthah lai a si lo ah a pahnihnak ah a zam lai i maw a va thih beh ve te lai,a si locun a mah le a mah meithal in a kap thah te lai.cu pa thum lawng hi lam a nei,a ruang cu ralhrang kan ti mi hna hi an donghnak ahcun rawh nak le thinak lawng te asi ko.

sihmanhsehlaw kan chin miphun kan i funtom loin kan i then kan i darh ahcun kawl ralhrang nih an kan tei lai,kawl pawl nih tlang cung mi an kan duh piak mi cu kan i then kan i cheu dih hi asi peng,zei ca tiah kan i then cheu tikah an duh ning poh in an kan ti khawh peng,cu ca cun a tu lio ah CDF CNA/F cun a dang kan chin ram chung in hriamtlai bu pohpoh kan i then cheu deuh a si ahcun ralhrang nih an kan tei deuhdeuh lai,nain an kan thencheu ter khawh lo,hmunkhat ah kan i funtom ahcun kan tei deuhdeuh ve hna lai ti hi afiang.
kawl ralhrang kan tei khawhnak hna ding ah a herh ngai mi cu, ralhrang an mah le an mah thencheu ter hi asi,nain ralhrang pawl a tu tiang an dir khawh nak pakhat cu,then lo in an i funtom kho tuk,cu an i funtom nak nih cun a tutiang a dir ter hna,cu ve bantuk cun ralhrang kan tei khawh nak hna ding ah kan nih chn mi vialte kan i funtom a hau,ramchung um mi siseh ram leng um mi siseh hmunkhat teah kan tan rual a hau.

chinland ti mi kan ram ahhin federal in siseh,indenpendence zong in siseh,kan ram sersiam nak ding ca le kan ram cozah hruai kho tu dingah mifim tampi chin mi nih hin kan i neih cang hna,cun ram nih an herh mi development,ramthanchonak ding caah NGO lei in tha tein rian a tuan kho ding mi laimi chin mi ah tam pi kan um cang,cu lawng si loin ram sersiam nak ding caah a herh tuk ve mi fimthiamnak lei cawnnak lei zong in kan chin mi chungah ca chim kho tam pi kan i neih cang hna,cun ram a veng him tu dingah ralkap CNA/F,CDF tling tein kan ram thancho nak ding ah kan i neih dih cang hna,ram a that khawh nak dingah zei lei poh in kan tlinh dih cang nain pakhat te a tu ah kan bau mi cu,a tu lio i dohthlennak ah teinak pakhat te hi a si,cucaah cun ralhrang kan tei hna hnak ding ah kan i funtom dih i teinak hi kan hmuh hrimhrim a herh ko.

Be First to Comment

Leave a Reply

Your email address will not be published.