Myanmar ram zong hi nu nih duh lo bu bak in, i sualpi a tam deuhdeuh i hmanthlak thiam mi pawl zong an thiamnak hmang tangkai in nu sualpi nak kong ah tan an rak la ve hna. Yangon ah a um mi kum 15 nute cu nu pakhat nih dawh taktak in hman kan in thlak lai, na hmanthlak hmang in na lar kho mi a si tiah a lem chih i cucu nungak nu zong nih ai zumh ve i Hotel ah an hruai i kum 15 nute a lemtu nu Nuh Nuh Hlaing timi cu hmundang ah a kal colh. Cu hnu ah Ko Htet timi hmanthlak a thiam mi nih cun, kum 15 nute cu a duh lo buin in Hotel ah a sualpi i a hawile mi pahnih nih cun video an rak lak.
Culong cu duhtawk loin, HD video an lakmi cu online ah an thlah i khuaruah har in a lar. Cutikah cun nulei nih palik sin ah an report i, pa pathum cu an tleih hna. A hnuah palik pawl nih bia an hal than i, kum 15 nute hlengtu dingah nu Nuh Nuh Hlaing an hman nak kong cu a chim i Nuh Nuh Hlaing zong January 13 ah an tleih.
An 4 in pohmah 377\376 orhter an si hnuah thawnginn ah khum colh an si.Thilcang mi he pehtlai in, mipi an thinhang tuk i sual tuahtu mi 4 cu an phutawk hremnak pek dingah an au chih cia hna. ( Myanmar Media )
Be First to Comment