Hi a tanglei ah na hmuhmi video hi a tulio kawlram chung covid-19 boruak lio i a cangmi a si i ralrin nak ngeihcio ah a tha . Covid-19 ruang ah vawleicung sipuazi a tla i kawlram tiang zong ah eidin a harsa , riantuan khawh le a si lo tik ah mi tampi harsa ngai in nun le khuasak cio a si . Hi lio ah misual pawl zong biatak tein an cawl cang ve i mah eilo in thihnak cha cun midang phaisa va chuh le mi nunnak va lak hmanh a tihlo mi tampi a um cang .
Kawlram, ahlei in Mandalay le Yangon ah cun ttaih-khan a hlangmi mahlawng single in khuasa mi ca hrim ah cun tih a nung khun ti a si . Misual pawl an cawlcangh ning a thei hngal bik tu palik nih a chim mi cu hi misual pawl nih hin Bus-stand ah Bus hngak bantuk in an rak i dir ter i Bus in a rak ttum mi , a mahb lawng a simi nupawl deuh kha a thli tein an hnu lei in an zulh hna i an umnak Adress an i chinchiah ti a si .
Cu hnu ah a rem can lio te an bawh i an hawile he cu inn ah cun luh hnawh in an ngeihmi phaisa siseh thilri siseh chuh dih in a zam than mi an si hna . Hi misual pawl hi a group deuh in an um i mah alwng a um mi caah cun zei ti tuah awk an tha lo i theih ko na bu bak in mi luh hnawh i phaisa chuh dih an hman caah ttaih-khan i a hlangmi single pawl caah cun ralrin ngai a herh ko tiah palik pakhat nih cun Media sin ah a chim .
Atu a tanglei i na hmuh mi video zong hi ttaih-khan pakhat ah nungak pakhat a mah lawng a um ti an theihmi inn an va fuh lio a si i a chunglei in tha tein kutka a hrenh dih caah an lut kho lo . Hi nu zong hi khuaruat lo deuh le aa ralrin lemlo siseh law kutka an kingh ah hin a onh hna lai i a kaa an phih lai i inn chung ah an duhmi poah an lak lai i , culawng silo in amah ca tiang tih a nung i a nunnak ca zong ah tihnung a si .
Asinain kutka a onh duh hnalo caah an og kho tilo i an kal than . An awlcangh ningvialte cu CCTV nih a rak record dih caah palik ca zong ah tlaih an har lem lai lo tiah zumh a um.Atu hi mah misual mi inn luh hnawh hmang pawl hi an kawl hawl cuahmah lio hna a siSource: Myanmarnews.info
Be First to Comment