Press "Enter" to skip to content

Kawlram Hi Vawleicung Ram Sual Bik Ram 10 Chungah A Telh Ve Cang

Vawleicung ramkip in ram sual bik tiah thim mi ram 10 cazin chung ah Myanmar ram zong telh ve a si. March 2 ah cathanh chuahmi vawleicung ramkip in ram sualbik (Global terrorism Index), 2021 cazin chung ah ramkip in ram sualbik cazin laak mi number 9-nak ah Myanmar ram a um, tiah an langhter.

Kum 2021 chung tukdohnak ruangah thihnak a tamnak bik ram hi Afghanistan ram in a si i, a changtu ah Iran si in a pathumnak ah Somalia a si i a 9 nak ah Myanmar ram a si, a 10 nak ah Pakistan ram nih a zulh ve. Kum 2021 Myanmar ramchung sualnak cu a tlawmbik voi 750 a cang. Hi tukdohnak ah hin nunnak a liammi minung 521 an um i, hliamhma tuar mi minung 351 an um. Tukum 2022 zong ah ramkhel lei buainak ruangah thihlohnak a tam chin lai, tiah zumh a si.

Myanmar ramchung 2020 ah ramchung i tukdohnak ruangah minung 24 an nunnak a rak liam i, Min Aung Hlaing nih nawlngeihnak a laak 2021 kum ahcun tukdohnak ruangah nunnak a liammi a let 20 in a karh caah vawleicung ramkip chung thihloh tambiknak cazin chung ah langhter a si. 2021 kumchung ah vawleicung ramkip in tukdohnak voi 5226 a cang. Global terrorism Index nih cun ramkip chung in tukdohnak ruangah hliamtuar le a thi mi kong hlathlainak an tuah i, ramkip cio sining an langhternak cathanh an chuah. Credit: The Chin Post

SAC Ralhrang Nih Uknak An Laak Hnu Ni 396 Chung Ah Thah A Tong Mi Minung 1597 An Si Cang!: AAPP nih March 3 tiang cazin a laak ning ah SAC ralhrang nih uknak an laak hnu ni 396 chung ah SAC ralhrang nih mipi 1597 nunnak an laak cang i tlaih a tong mi 12,501 an si cang. Tlaih ding in nawl chawh mi 1973 an si.

SAC ralhrang thah a tong mi lak ah hin Yangon ah tam bik an si. Mon ramkulh ah 12 an thi i tlaih a tong mi 400 a um. Naite ah khan SAC nih minung 200 leng cu an thlah ṭhan cang hna, tiah theih a si. Letpanchaung Khua Ah SAC Ralhrang An Lut I Checking An Tuah: Kalaymyo peng, Letpanchaung khua ah nihin March 4 zing sml 8:30 hrawng ah SAC ralhrang 20 hrawng an rak phan i minung an chek hna, tiah Letpanchaung khua mi hna nih an chim.

SAC ralhrang pawl cu Letpanchaung Market pawng ah saikel in ai choklet mi hna cu an dirter hna i an chek hna, tiah theih asi. SaC ralhrang pawl hi a hlan ah cun Kalaymyo luhchuahnak lawng in mi an chek tawn nain nihin cu Chin miphun an umnak Kalaymyo peng khuate lei tiang in chekhlatnak an va tuah, tiah theih a si. Credit: The Chin Post

Be First to Comment

Leave a Reply

Your email address will not be published.