Press "Enter" to skip to content

Kawlram Kahdohnak A Fak Chin Thluahmah Cang, Rakhine Mipi Nih Fak Tukin An Tuar Ve Cang Ee

Rakhine Ramkulh Thla Hnih Chung Ah Tualchung Mi 26 Nak Tlawmlo Nunnak Liam, 116 Nih Hliamhma An Tuar. Rakhine ramkulh chung kahdohnak a fah ruang ah SAC ralkap nih mipi hna cung ah tinhchih in kahdohnak a tuah i September 20 in November 20 tiang thla hnih chung ah Rakhine mipi minung 26 nak tlawnlo an nunnak a liam i, minung 116 nih hliamhma an tuar tiah AA in chim phuannak nawl ngeitu Khine Tu Khah nih a chim.

Kahdohnak chung ah cun SAC ralkap nih Rakhine mipi cawlcanghnak a tuahtu hna, fim cawnnak zung rianṭuantu hna, penguk zung rianṭuantu hna le tualchung mi hna cu AA he pehtlaihnak nan ngei tiah an puh hna caah an ral hna i tlaihkhihnak an tuah hna.

Rakhine mipi tlaihkhih a tongmi 324 chung ah minung 85 cu SAC ralkap nih an thlah ṭhan hna na in, 239 cu an hren rih hna tiah AA in chim phuannak nawl ngeitu nih a chim chih tiah theih a si.

Rakhine ramkulh le Paletwa hmunram ah kahdohnak a chuah ṭhan hnu in ralzaam dirhmun a phanmi sing khat leng an phan tiah theih a si. Source:Than Lwin Khet

Relchap; Myaungmya Hluttaw Palai U Wai Lin Aung Cu Kum 26 Thongthlak Ding In Biakhiahnak An Tuahpiak. A luancia kum 2021, December thla lio Kayin ramkulh Laykaekaw Myotit ah tlaihkhih a rak tongmi Myaungmya pyituh hluttaw palai U Wai Lin Aung cu Myawaddy pengkomh biaceihzung nih kum 26 thongthlak ding in nihin November 28 ah biakhiahnak an tuahpiak tiah theih a si.

U Wai Lin Aung cu SAC ralkap nih a luancia 2021, December 14 ah Laykaekaw Myotit ah an rak tlaih i, poh-mah 52(a), 50(a), 50(j) le poh-mah 122 tiin tazacuai a tongmi a si.

May be an image of 1 person and standing

Pyituh Hluttaw palai si mi U Wai Lin Aung cu tlaihkhih a ton kum khat a rauh hnu ah a tu bantuk in kum 26 thong thlak ding in biakhiahnak an tuahpiak hi a si.

U Wai Lin Aung cu hluttaw palai a si hlan ah Myaungmya Ga-yu-na-shin(ကရုဏာရှင်) mi bawmhchanhnak phu dirhtu a si i, 2020 thimnak lio ah NLD palai in pyituh hluttaw palai a tlingmi a si. Source: BBC

Be First to Comment

Leave a Reply

Your email address will not be published. Required fields are marked *